Memleket basşysy Qasym-Jomart Toqaev el halqyn Otbasy künımen qūttyqtady, dep habarlaidy “Adyrna”.
Prezidenttıŋ aituynşa, būl – ūltymyzdy meiırım men qamqorlyq, özara qoldau men azamattyq jauapkerşılık siiaqty myzǧymas qūndylyqtar aiasynda ūiystyratyn tamaşa mereke.
Otbasy – halqymyz üşın qasiettı ūǧym. Är adam, eŋ aldymen, özınıŋ qasterlı şaŋyraǧynda tūlǧa retınde qalyptasady, ülgı-önege alyp, naǧyz azamatqa tän igı qasietterdı boiyna sıŋıredı. Otbasynda körgen tälım-tärbienıŋ arqasynda elımızde otanşyl, eŋbekqor, bılımdı jäne mädeniettı ūrpaq ösıp şyǧady.
"Sondyqtan bız bärımız bır el bolyp halqymyzdyŋ salt-dästürı men qazırgı zamandaǧy ozyq közqarasy üilesım tapqan otbasy qūndylyqtaryn saqtap, ony nyǧaityp, jan-jaqty nasihattauymyz kerek", - dedı Memleket basşysy.
Toqaev jaryq ömır syilaǧan ata-analarymyzǧa zor qūrmetpen qarau – qasterlı paryz ekenın de aitty. Äsırese, aialy alaqanymen, aqyl-parasatymen ärbır üidı şuaqqa böleitın analardyŋ orny erekşe. "Ana – Jer-Ana" – adamzat örkenietınıŋ özegı.
"Bız asqar tau äkelerımızdıŋ tabandy eŋbegı men eren erlıgıne bas iıp, qadır tūtuymyz kerek. Är şaŋyraqta yrys-yntymaq bolsa, elımız de qarqyndy damidy. Būl – Ädılettı jäne Quatty Qazaqstan qūrudyŋ asa maŋyzdy şarty. Sondyqtan memleket otbasy qūndylyqtaryn keŋınen därıptep, ana men bala qūqyǧyn qorǧauǧa airyqşa män beredı. Är şaŋyraq baq-berekege tolsyn! Barşa otandastarymyzǧa zor densaulyq, mol tabys tıleimın", - dedı Qasym-Jomart Toqaev.
