Qaraǧandy oblysynda jolauşylar poiyzy men jeŋıl kölık soqtyǧysyp, üş adam oqiǧa ornynda qaza tapty. Būl turaly QTJ baspasöz qyzmetı aitty, dep habarlaidy «Adyrna» tılşısı.
Qaiǧyly jaǧdai 17 qyrküiekte saǧat 00:54-te Aqadyr – Qaraǧandy uchaskesı Jaryq-Dariia aralyǧyndaǧy küzetılmeitın, retteletın temırjol ötkelınde bolǧan.
«92 km/saǧ jyldamdyqpen jürıp kele jatqan jolauşylar poiyzynyŋ maşinisı Mazda markaly jeŋıl avtokölıktıŋ jolǧa şyǧuyna bailanysty şūǧyl tejeudı qoldandy. Soqtyǧysudyn aldyn alu mümkın bolmady. Avtokölık jürgızuşısı men ekı jolauşy auyr jaraqattan köz jūmdy. Oqiǧa turaly aqparat qūqyq qorǧau organdaryna berıldı»,—delıngen habarlamada.
«QTJ «ŪK» AQ qaza tapqandardyŋ tuystary men jaqyndaryna köŋıl aityp, jol qozǧalysynyŋ barlyq qatysuşysyn temırjol ötkelderınıŋ jüru erejelerın qataŋ saqtauǧa şaqyrdy.
