Türkıstan oblysynda destruktivtı dıni aǧymnyŋ jaqtastary zaŋsyz qaru saqtaǧany üşın ūstaldy, dep habarlaidy "Adyrna" ūlttyq portaly.
Būl turaly oblystyq prokuraturaǧa sılteme jasap.
IIM-nıŋ «R» basqarmasy men Polisiia departamentınıŋ Ekstremizmge qarsy ıs-qimyl basqarmasy jürgızgen jedel-ızdestıru ıs-şaralary barysynda küdıktılerdıŋ Toyota Land Cruiser 200 avtokölıgınen qaru tabylǧan.
Tekseru kezınde 9 mm kalibrlı «TT» markaly tapanşa jäne 18*45 kalibrlı «Baikal MR-461» qaruy tärkılenıp, olardyŋ oq atuǧa jaramdy ekendıgı anyqtaldy.
Qazırgı uaqytta atalǧan qarulardyŋ özge qylmystarda qoldanylǧan-qoldanylmaǧanyn anyqtau üşın saraptama taǧaiyndalǧan. Sonymen qatar, negızgı figuranttyŋ tūrǧylyqty jerınen QR QK-nıŋ 432-baby boiynşa ızdeude jürgen qylmysker de qolǧa tüstı.
Atalǧan derek boiynşa 2025 jylǧy 2 qyrküiekte QR QK-nıŋ 287-babynyŋ 3-bölıgı («Qarudy zaŋsyz saqtau») boiynşa sotqa deiıngı tergep-tekseru bastaldy. Küdıktıler qamauǧa alyndy.
