Jurnalist Gülbanu Äbenova Mäjılıs deputaty Ardaq Nazarovtyŋ bılımıne qatysty äleumettık jelıde jazba jariialady, dep habarlaidy "Adyrna" ūlttyq portaly.
Äbenovanyŋ deregınşe, Nazarov 2011 jyly, 31 jasynda Abai atyndaǧy Qazaq ūlttyq pedagogikalyq universitetın «Qūqyqtanu» mamandyǧy boiynşa tämamdaǧan. Sonymen bırge aşyq derekközderde onyŋ Qazaq kölık jäne kommunikasiialar universitetın «Ekonomika» mamandyǧy boiynşa bıtırgenı körsetılgenımen, naqty oqu jyly jazylmaǧan.
Al Parlament saityndaǧy mälımetke säikes, 2014 jyly Nazarov Qazaq sport jäne turizm akademiiasyn «Dene mädenietı jäne sport» mamandyǧy boiynşa aiaqtaǧan.
Jurnalisttıŋ aituynşa, keşe ǧana Uikipediiadaǧy Nazarovtyŋ ömırbaianynda onyŋ bılımı turaly derekter bolǧanymen, bügın ol abzas joiylyp ketken. Qazır onlain ensiklopediiadaǧy aqparat bırden sporttyq jetıstıkterınen bastalady.
«Keşe ǧana Nazarov jaily jazbamdy 17,6 myŋ adam kördı. Menıŋ ötınışım: osy atalǧan üş universitettıŋ bırınde Nazarovpen bırge oqyǧandar bolsa, pıkır jazyŋyzdar», – dedı Äbenova.
Sonymen qatar ol būǧan deiın Joǧary bılım ministrı Saiasat Nūrbektıŋ «Kökşe» akademiiasyndaǧy studenttık jyldaryna qatysty da eşkımnen pıkır tüspegenın atap ötken.
Būǧan deiın, Ardaq Nazarov Mäjılıstıŋ plenarlyq otyrysynda deputattyq saualyn bastamas būryn anasyn tuǧan künımen qūttyqtap, köpşılık nazaryna ılıkken edı.
