Jurnalisterdı qoldau qory qūryldy. Būl turaly Habar agenttıgınıŋ basqarma töraǧasy Berık Uäli mälımdedı, dep habarlaidy “Adyrna” ūlttyq portaly.
«Bızdıŋ ärıptester, tılşılerdıŋ tynymsyz tırşılıgı turaly aitqanda, bırınşı kezekte Şeraǧaŋnyŋ qanatty sözı eske tüsedı. Qaitalap jatpaiyn, ony bärıŋız de bılesızder. Rasynda, 1 jarym minuttyq siujetke, bır tūşymdy maqala men radiohabar üşın jurnalist künı boiy tırnektep material jinaidy, taraptardy tyŋdaidy, jan-jaqty mälımet alady, t.b.. Sol jūmystar kezınde jurnalisten bölek közge körınbeitın qanşama maman jūmys ısteidı. Rejisser, operator, jaryq tüsıruşı, montaj injenerı, grimior, dybys rejissery, dizainer, bet qattauşy, kontent-menedjer tıptı kölık jürgızuşısıne deiın efirge şyǧatyn tele-radio önımder men gazet, jurnal, saitta jaryq köretın dünienıŋ är minuty, är ärpı üşın jan aiamai jūmys ısteidı. Būlardyŋ bärı – bır sözben aitqanda BAQ qyzmetkerlerı. Mıne, sol BAQ salasynda aianbai eŋbek etıp jürgen ärıptesterge aqjoltai jaŋalyǧymdy jetkızgım keledı. Elordada «Jurnalisterdı qoldau qaiyrymdylyq qory» qūryldy. Būl byltyr köktemde bastalǧan jūmys edı, jaqynda resmi tırkelıp, qūjatymyz qolymyzǧa tidı», - dedı ol.Qordyŋ jūmysy az qamtylǧan otbasylardan şyqqan jas jurnalisterdıŋ, jalǧyzbasty jäne köpbalaly jurnalisterdıŋ materialdyq jaǧdaiyn jaqsartuǧa, jas mamandardyŋ jūmysqa ornalasuyna järdemdesuge, baspana mäselesınıŋ şeşıluıne yqpaldasuǧa jäne qūqyqtyq kömek körsetuge baǧyttalǧan.
«Sonymen qatar, atalǧan ūiym jurnalisterdıŋ bedelın arttyru, käsıbi-şyǧarmaşylyq müddesın, avtorlyq jäne sabaqtas qūqyqtaryn, ar-namysyn, ıskerlık bedelın qorǧau, eŋbek, tūrmys jäne demalys jaǧdailaryn jaqsartu, ardager jurnalisterge tiıstı deŋgeide qūrmet körsetu maqsatymen käsıptık odaqtarmen yntymaqtastyq ornatudy da josparlap otyr. Osy oraida, alǧaşqy qadamdar da jasaldy. Nätijesın aldaǧy uaqytta jariia etemız. Ärıptesterımızdıŋ qandai da bır ötınışterın bılıktı ardager jurnalister men qoǧam belsendılerınen qūrylǧan arnaiy komissiia qaraityn bolady. Aldaǧy uaqytta Ūiymnyŋ jūmysy turaly qosymşa habarlap otyratyn bolamyz», - dedı Berık Uäli.
Ūqsas jaŋalyqtar
