Ūlybritaniiada 37 tūtqyn zaŋsyz bosatylǧan, dep habarlaidy "Adyrna" ūlttyq portaly QazAqparatqa sıltep.
Batys Europa boiynşa tūtqyny eŋ köp elde oryn tapşylyǧy boiynşa arnaiy baǧdarlama aiasynda bırneşe tūtqyn merzımınen erte bosaidy.
Äsırese, Angliia men Uelstegı türmelerde oryn tapşylyǧyna bailanysty qabyldanǧan merzımınen būryn bosatu baǧdarlamasy el ışınde ülken dauǧa ainaldy. Sebebı jaŋa jüie aiasynda ondaǧan sottaluşy zaŋsyz türde bostandyqqa şyqqan.
Qyrküiek aiynan berı būl baǧdarlama boiynşa şamamen 1750 adam türmeden bosatylǧan. Būǧan deiın sottalǧandar jazasynyŋ kemınde jartysyn ötegen soŋ ǧana bostandyqqa şyǧatyn bolsa, jaŋa tärtıpke sai olarǧa jazanyŋ 40%-yn öteu jetkılıktı. Degenmen täjıribe barysynda qatelıkterge jol berılıp, 37 tūtqyn zaŋsyz bosatylǧany anyqtaldy. Olardyŋ basym bölıgı qaita ūstalyp, türmege qaitaryldy, bıraq beseuı älı erkındıkte jür. Odan bölek, bostandyqqa şyqqandardyŋ bırı seksualdyq sipattaǧy qylmysqa qaita baryp, ūstalǧan.
World Prison Brief deregınşe, ötken jyly Ūlybritaniia türmelerınde 97 myŋnan astam adam otyrǧan. Būl körsetkış Fransiiadan 22%-ǧa, İtaliiadan 37%-ǧa, Germaniiadan 42%-ǧa köp. Al İspaniiamen salystyrǧanda ekı eseden asady.
