Almatyda arnaiy halyqqa qyzmet körsetu ortalyǧynyŋ qyzmetkerlerı jük kölıkterın zaŋsyz tırkegenı üşın sottaldy. Būl turaly qalalyq prokuratura aitty, dep habarlaidy «Adyrna» tılşısı.
«Arnaiy prokurorlar Almaty qalasynyŋ arnaiy HQKO qyzmetkerlerıne qatysty qylmystyq ıs boiynşa sotqa deiıngı tergep-tekserudı aiaqtady. Tergeu nätijesınde 2023 jyly arnaiy HQKO-nyŋ 5 qyzmetkerı 18 jük kölıgın jalǧan qūjattar boiynşa zaŋsyz tırkep, olardyŋ naqty şyǧarylǧan jylyn būrmalaǧany anyqtaldy»,-delıngen habarlamada.
Qūqyqqa qarsy äreketterdıŋ nätijesınde kölık qūraldaryn bastapqy tırkegenı üşın alym retınde közdelgen 164 mln teŋge memlekettık biudjetke tolyq tüspegen. Sotqa deiıngı tergep-tekseru barysynda memleketke keltırılgen şyǧyn tolyq kölemde ötelgen.
Qalalyq prokuratura sot ükımımen sottaluşylar kınälı dep tanylyp, ärtürlı merzımge bas bostandyqtarynan aiyruǧa sottalǧanyn jetkızdı.
