Bank RBK-nyŋ eks-basşysy Jomart Ertaev türmege qaita otyrady. Būl turaly 1 qazanda Mäjılıs deputaty, advokat Abzal Qūspan aitty, dep habarlaidy «Adyrna» tılşısı.
«Ertaevqa qatysty sot qaulysy būzyldy. Ötınışımdı qoldap, ädıl şeşımge yqpal etken QR Bas prokuraturasy Almaty oblysynyŋ prokurory men sotyna, sondai-aq mäselenı alǧaş kötergen jurnalister qauymyna alǧys aitamyn!» - dedı ol.
Eske salaiyq, 2020 jyldyŋ qaraşasynda būrynǧy bankir Jomart Ertaev Bank RBK-ten 144 milliard teŋge ūrlaǧany üşın 11 jylǧa bas bostandyǧynan aiyrylǧan. Onymen bırge taǧy 35 adam sottalǧan edı. Al ekınşı qylmystyq ıs boiynşa sot ükımı 2021 jyly şyqqan. Ol qylmystyq top qūrǧany jäne alaiaqtyq jasaǧany üşın kınälı dep tanylyp, 9 jylǧa bas bostandyǧynan aiyrylǧan. Jalpy alǧanda Ertaev 20 jyl boiy jazasyn öteuı kerek bolǧan.
2025 jyldyŋ 3 qyrküiegınde onyŋ raqymşylyqqa ılıgıp, bostandyqqa şyqqany aitylǧan bolatyn.
