Ūlttyq statistika biurosy halyqtyŋ ömır süru sapasyn anyqtau maqsatynda jürgızgen zertteudıŋ nätijesın jariialady, dep habarlaidy «Adyrna» tılşısı.
Zertteu qorytyndysy boiynşa respondentterdıŋ 53,2%-y özderınıŋ ömır süru jaǧdailaryna qanaǧattanatyndaryn aitqan. Būl körsetkış ötken jylǧy körsetkışpen salystyrǧanda 0,7 paiyzǧa joǧary. Al 46,3% qazaqstandyq öz ömırıne jartylai qanaǧattanatynyn jetkızgen.
Aita keterlıgı, auyl tūrǧyndary arasynda ömırıne riza jandardyŋ ülesı (65,4%) qala tūrǧyndaryna qaraǧanda (51,7%) edäuır köp.
Sonymen qatar respondentterdıŋ 51 paiyzy öz densaulyǧyna qanaǧattanatynyn, 46,4 paiyzy jartylai qanaǧattanatynyn aitqan. Būl da ötken jylmen salystyrǧanda 1,5 paiyzǧa artqan.
Zertteu nätijesınde 73,6% azamat özderın tabys deŋgeiı boiynşa «ortaşa qamtamasyz etılgender» qataryna jatqyzǧan. 65,8% qatysuşy tuystary men tanystary tarapynan moraldyq qoldauǧa senetının aitqan.
Al saualnamaǧa qatysqan qazaqstandyqtardyŋ 73 paiyzy öz bolaşaǧyna senımdı jäne aldaǧy uaqytta jaǧdai jaqsarady dep ümıttenedı.
