Astanada Öner muzeiı aşyldy. Būl turaly mädeniet jäne aqparat ministrlıgınıŋ baspasöz qyzmetı mälımdedı, dep habarlaidy "Adyrna".
Mädeniet jäne aqparat ministrı Aida Balaeva 1600-den astam ūlttyq muzykalyq aspap qoiylǧan muzei ekspozisiiasymen tanysty.
"Muzeide sirek kezdesetın jäne ūmyt bola bastaǧan aspaptarǧa erekşe nazar audarylǧan. Atap aitsaq, jelbuaz, mes syrnai, uıldek, tastauyq jäne basqa da köne aspaptar bar. Barlyq eksponatty muzei qyzmetkerlerı qoldan jasaǧan. Sonymen qatar, köpşılıkke ūlttyq kiımder zaly men mekemenıŋ şeberhanasy körsetıldı", - dep jazylǧan habarlamada.
Ministrdıŋ aituynşa, Astanada osyndai muzeidıŋ aşyluy ūlttyq mädeniet pen qolönerdı nasihattauǧa zor üles qosady.
Öner muzeiı XIX ǧasyrdyŋ soŋynda salynǧan tarihi mektep ǧimaratynda ornalasqan. 1982 jyly būl nysan respublikalyq maŋyzy bar tarih jäne mädeniet eskertkışterı tızımıne engızılıp, memleket qorǧauyna alynǧan. Muzeide köne muzykalyq aspaptardy qalpyna keltıru jäne saqtau şeberhanasy jūmys ısteidı.
