Qazaqstanda 293 mln teŋge salyq töleuden jaltarǧan er adam Bırıkken Arab Ämırlıkterıne qaşyp ketken. Ony Bas prokuratura men Qarjy monitoringı agenttıgınıŋ qyzmetkerlerı Bırıkken Arab Ämırlıkterındegı Qazaqstan elşılıgınıŋ qoldauymen elge ekstradisiialady, dep habarlaidy "Adyrna".
Bas prokuraturanyŋ mälımetınşe, ol osy ısı üşın Qazaqstanda qylmystyq jauapkerşılıkke tartylady.
2018-2020 jyldar aralyǧynda ol kommersiialyq käsıporyn direktory bola tūra, korporativtık tabys jäne qosylǧan qūn salyǧyn töleuden jaltaryp, memleketke 293 mln teŋgeden astam zalal keltırgen.
Qylmysty jasaǧannan keiın küdıktı jasyrynyp, bır jyldan astam uaqyt boiy halyqaralyq ızdestırılude boldy.
Osy jyldyŋ qyrküiek aiynda ol Bırıkken Arab Ämırlıkterı aumaǧynda ūstalyp, Qazaqstan Bas prokuraturasynyŋ sūrau saluy boiynşa qūqyq qorǧau organdaryna berıldı.
«Qazırgı uaqytta küdıktı tergeu izoliatoryna qamauǧa alyndy. Jasalǧan qylmystary üşın oǧan mülkı tärkılene otyryp, bes jyldan segız jylǧa deiıngı merzımge bas bostandyǧynan aiyru türındegı jaza qarastyrylǧan. Biyl Bırıkken Arab Ämırlıkterınen 9 ızdestırılıp jürgen adam ekstradisiialandy», – delıngen Bas prokuraturanyŋ habarlamasynda.
Qazaqstanda kei dükender Ukraina territoriiasyn Reseidıkı retınde körsetken globus-karta satyp jatyr
