Qostanai äuejaiynda äuege köterılgen ūşaqtyŋ şassi döŋgelegı örtendı. Oqiǧany Qazaq Air äue kompaniiasynyŋ baspasöz qyzmetı rastady, dep habarlaidy “Adyrna”..
Tehnikalyq tekseru jürgızu üşın öŋırge arnaiy komanda jıberıldı.
Vedomstvonyŋ mälımetınşe, 2025 jylǧy 11 qazanda Qostanai – Astana baǧytyndaǧy IQ368 tūraqty reisın oryndau kezınde Qostanai äuejaiynda äue kemesınde tehnikalyq aqau tırkelıp, ūşu toqtatylǧan. Äue kompaniia aqparatyna säikes, keibır jolauşy şassi maŋynda qysqa merzımdı ot ūşqyny baiqalǧanyn habarlaǧan. Būl derek tehnikalyq tekserıs kezınde nazarǧa alynatyn bolady.
Atalǧan oqiǧa turaly aqparat jergılıktı BAQ-ta jariialandy.
“Qostanaiǧa aqaudy tekserıp, joiu üşın tehnikalyq komanda jıberıldı. Jolauşylarǧa qonaqüige ornalastyru, bilet qūnyn qaitaru nemese basqa reisterge auystyru ūsynyldy”, — dep habarlady äue kompaniianyŋ baspasöz qyzmetı.
Kompaniia ökılderı jolauşylar men ekipajdyŋ qauıpsızdıgı — basty basymdyq ekenın, barlyq ıs-ärekettıŋ halyqaralyq ūşu qauıpsızdıgı standarttaryna qataŋ säikestıkte oryndalatynyn atap öttı.
Atalǧan oqiǧaǧa bailanysty Qazaqstan Respublikasy Kölık ministrlıgı de pıkır bıldırdı.
“Qazaq Air äue kompaniiasynyŋ Qostanai – Astana baǧytyndaǧy reisı kezınde bolǧan aviasiialyq oqiǧany tergeu üşın azamattyq jäne täjıribelık aviasiia salasyndaǧy aviasiialyq oqiǧalar men insidentterdı esepke alu jäne tergep-tekseru qaǧidalaryna säikes komissiia qūrylatyn bolady. Tergeudı QR Kölık ministrlıgınıŋ Kölık oqiǧalary men insidentterın tergeu departamentı jürgızedı”, — dep habarlady vedomstvo.
