Memleket basşysy Qasym-Jomart Toqaev Düniejüzılık dopingke qarsy agenttıktıŋ (WADA) prezidentı Vitold Bankany qabyldady. Būl turaly bügın, 15 qazanda Aqordanyŋ baspasöz qyzmetı aitty, dep habarlaidy «Adyrna» tılşısı.
Prezident Düniejüzılık dopingke qarsy agenttık sporttaǧy doping problemasymen küresetın jahandyq institut retınde negızgı röl atqaratynyna nazar audardy. Sondai-aq Vitold Bankanyŋ Astanaǧa sapary Qazaqstan men WADA arasyndaǧy yntymaqtastyqty keŋeitude maŋyzdy qadam sanalatynyn jetkızdı.
Qasym-Jomart Toqaev jüielı türde tärtıp būzuşylarmen küresu jäne taza sporttyŋ bıryŋǧai standarttaryn qoldau mäselesındegı agenttıktıŋ berık ūstanymyna joǧary baǧa berdı. Būl sportşylarǧa ǧana emes, älemdegı milliondaǧan janküier üşın de öte özektı.
Bügınde Qazaqstannyŋ Turizm jäne sport ministrlıgı janynan dopingke qarsy synamalar zerthanasy jūmys ısteidı. Būl – Ortalyq Aziiadaǧy osy tektes jalǧyz mekeme. Zerthana bazasynda Öŋırlık dopingke qarsy ūiym qyzmet etedı. Onyŋ qūramyna Qazaqstan, Özbekstan, Qyrǧyzstan, Täjıkstan, Türıkmenstan, Päkıstan, Moŋǧoliia jäne Auǧanstan sekıldı elder kıredı.
WADA prezidentı Qazaqstannyŋ agenttık bastamalaryn qoldaǧany üşın rizaşylyǧyn bıldırıp, elımızdıŋ sport qūrylymdarymen yqpaldastyq deŋgeiı joǧary ekenın atap öttı.
Qasym-Jomart Toqaev pen Vitold Banka ūzaq merzımdı yntymaqtastyqty jalǧastyru, Düniejüzılık dopingke qarsy agenttıktıŋ jauapty ärı senımdı serıktesı retındegı Qazaqstannyŋ märtebesın odan ärı nyǧaitu nietın rastady.
