Belgılı änşı Dimaş Qūdaibergen mūnai jäne energetika salasynyŋ sarapşysy Oljas Baidıldinovtı synǧa aldy, dep habarlaidy «Adyrna» tılşısı.
Būǧan deiın sarapşy elımızde qazaqşa söileitın jandardyŋ qatary köbeiıp bara jatqanyn aityp, şara qoldanu kerektıgın mälımdegen edı.
«Bız, qazaqtar, älemnıŋ barlyq tılın qūrmetteimız. Bıraq qūrmet bärınen būryn özıŋnen bastalady. Ana tılınen ūialyp, özgenıŋ maqūldauyna ūmtylǧan adam sözın emes, tamyryn joǧaltady»,—dedı änşı.
Sondai-aq ol Baidıldinovtıŋ arandatuşy ekenın aitty.
«Oljas, sen siiaqty arandatuşyny jūmystan şyǧarady dep ümıttenemın, öitkenı sen qorqaq kışkentai bala siiaqtysyŋ. Sen qazaqşa bılmegendıkten, qazaq tılınde jazbadym»,—dep tolyqtyrdy Dimaş Qūdaibergen.
Änşınıŋ būl pıkırın äkesı Qanat Aitbaev ta qoldady.
«Memlekettık tıldı moiyndamau – memlekettı moiyndamau»,–dep jazdy ol äleumettık jelıdegı paraqşasynda.
Eske salaiyq, būǧan deiın Oljas Baidıldinov Astana men Almatydaǧy avtobus biletı 500 teŋge boluy tiıs degen pıkır aityp, köptıŋ narazylyǧyn tudyrǧan edı.
