Qytaidyŋ tanymal Hunan TV telearnasy Qazaqstannyŋ eŋ körıktı turistık oryndarynda tüsırılgen beinenı körsettı, dep habarlaidy “Adyrna” ūlttyq portaly.
“Voice Beyond Horizon” atty jaŋa telejobanyŋ beineroligı Qazaqstanda tüsırılgen. Onda eldıŋ bai tabiǧi jäne mädeni mūrasyn tanystyryp, turistık äleuetın milliondaǧan körermenge körsetu közdelgen.
Joba Dimaş Qūdaibergennıŋ bastamasymen jäne Hunan Broadcasting System telearnasymen bırlesıp jüzege asty.
2025 jyldyŋ qyrküiegınde tüsırılım toby men qatysuşylar Qazaqstannyŋ öŋırlerın aralap, 7436 şaqyrymnan astam jol jürıp öttı. 22 kündık sapar barysynda olar elımızdıŋ tabiǧi jäne mädeni eskertkışterımen tanysqan.
Tüsırılımge Qazaqstan, Qytai, Qyrǧyzstan, İtaliia, Malaiziia jäne Serbiia elderınıŋ tanymal ärtısterı qatysty.
Joba barysynda Ūly Jıbek jolynyŋ boiyndaǧy Türkıstan, Maŋǧystaudaǧy Bozjyra men Kaspii jaǧalauy, Almaty öŋırınıŋ Qaiyŋdy kölı, Saty auyly, Qapşaǧai su qoimasy, Aqmola oblysyndaǧy Köbeitūz kölı men Burabai syndy bıregei tabiǧi lokasiialar qamtyldy.
“Voice Beyond Horizon” jobasy 2026 jyly Hunan TV telearnasynda körsetıledı.
Jobany jüzege asyruǧa Kazakh Tourism ūlttyq kompaniiasy, Turizm jäne sport ministrlıgı, “Jolauşylar tasymaly” AQ jäne öŋırlık äkımdıkter qoldau körsetken.
