Qazaqstandyqtarǧa Bangladeş Halyq Respublikasyna barmauǧa keŋes berıledı, dep habarlaidy “Adyrna” ūlttyq portaly QR Syrtqy ıster ministrlıgınıŋ baspasöz qyzmetıne sıltep.
«Bangladeş Halyq Respublikasynda qalyptasqan jaǧdaiǧa bailanysty Qazaqstan Respublikasynyŋ Syrtqy ıster ministrlıgı Qazaqstan Respublikasynyŋ azamattaryna jaǧdai tūraqtalǧanǧa deiın būl elge barudan uaqytşa bas tartudy ūsynady», - delıngen habarlamada.
Ündıstandaǧy Qazaqstan elşılıgı qazırgı uaqytta Bangladeşte jürgen Qazaqstan azamattaryn asa qajet bolmasa tūrǧylyqty jerınen şyqpaudy, küşeitılgen qauıpsızdık şaralaryn saqtaudy, qyraǧylyq pen saqtyq tanytudy, jaŋalyqtardy qadaǧalap, bilıktıŋ ūsynystaryn oryndaudy, sondai-aq memlekettık organdarmen bailanysta boludy sūraidy.
Qosymşa jäne uaqtyly aqparat alu üşın Bangladeşte ornalasqan Qazaqstan Respublikasynyŋ azamattary men olardyŋ Qazaqstandaǧy tuystary üşın şūǧyl bailanys jelılerı aşylǧany habarlandy.
Eske sala keteiık, Bangladeşte studentter narazylyǧy köterılıske ūlasyp, qazırgı taŋda 135 adam qaza tapty.
Ūqsas jaŋalyqtar
