Tılder merekesıne orai Ūlytau oblystyq tılderdı damytu basqarmasynyŋ ūiymdastyruymen memlekettık qyzmetşıler arasynda «Tıldeser» atty oblystyq baiqau öttı.
Baiqaudyŋ negızgı maqsaty – memlekettık tıldıŋ qoldanys aiasyn keŋeitu, ony jetık meŋgergen özge ūlt ökılderın yntalandyru jäne memlekettık qyzmetşıler arasynda tıl mädenietın nasihattau bolyp tabylady.
Is-şaraǧa öŋırdıŋ türlı memlekettık mekemelerınen qyzmetkerler qatysyp, özderınıŋ qazaq tılın meŋgeru deŋgeiın, söileu mädenietın jäne şyǧarmaşylyq qabıletterın körsettı.
Ūlytau oblysynyŋ Polisiia departamentınen baiqauǧa polisiia qyzmetkerı Şamhat Savrantaev qatysyp, memlekettık tıldı jetık meŋgergenın däleldep, üzdık qatysuşylardyŋ bırı atandy.
Bügınde Polisiia departamentınde jiyrmaǧa juyq özge ūlt ökılderı qyzmet atqaryp, öz eŋbekterımen qoǧamdyq tärtıp pen qauıpsızdıktı qamtamasyz etuge üles qosyp keledı. Olar memlekettık tıldı qūrmettep, kündelıktı qyzmetınde de keŋınen qoldanuda.
Osyndai ıs-şaralar memlekettık qyzmetşılerdıŋ tılge degen qūrmetın arttyryp qana qoimai, türlı etnos ökılderı arasynda dostyq pen özara tüsınıstıktı nyǧaituǧa da üles qosady.
