Almatydaǵy ýaqytsha ustaý abaqtysynan general-maıor óli kúıinde tabyldy, dep habarlaıdy “Adyrna” ulttyq portaly.
18-inshi tergeý ızolıatorynda olar Almaty jáne Aqmola oblystary DP-nyń burynǵy basshysy (2009-2016 jj.) - Jaılaýbek Halyqulynyń máıitin tapqany belgili boldy. General-maıor óz-ózine qol jumsady degen boljam bar.
Polıeı 23 mamyrda ustaldy. Ol qylmystyq isti toqtatý maqsatynda belgili bir azamattyń aqshasy men múlkin alaıaqtyq jolmen aldy degen kúdikke ilikken. Málimetter naqtylanyp jatyr.
General-maıordyń ólimin Qylmystyq-atqarý júıesi komıteti de rastady.
"Tańǵy saǵat 7-ler shamasynda qamaýǵa alynǵan J.Halyqulyn qaraýyl ınspektory tapty. Mekemeniń kezekshi aýysymy dereý alǵashqy medıınalyq kómek kórsetti. Qoldanylǵan sharalarǵa qaramastan, tergeýdegi adamdy aman alyp qalý múmkin bolmady”, delingen málimdemede.
Oqıǵa ornyna jedel-tergeý toby, prokýratýra ókilderi men oblystyq IID basshylyǵy kelgeni naqtylanýda. Basqa ustalǵandarmen áńgime júrgizildi. Tekserý nátıjesinde oǵan qatysty zańsyz áreketter faktileri anyqtalǵan joq.
Qazirgi ýaqytta ishki aýdıt júrgizilýde, onyń nátıjeleri boıynsha qoldanystaǵy zańnamaǵa sáıkes sharalar qabyldanady.
“Adyrna” ulttyq portaly
