22 qazan künı Resei äskerı Ukrainanyŋ Harkov qalasyna şabuyl jasady, dep habarlaidy «Adyrna» tılşısı.
Qala äkımı İgor Terehov pen Harkov oblystyq memlekettık äkımşılık basşysy Oleg Sinegubov kemınde üş jarylys bolǧanyn mälımedı.
«Holodnogor audanyndaǧy jeke balabaqşaǧa soqqy jasaldy, jaralanǧan balalar bar. Soqqy bolǧan jerde ört şyqty», — dedı qala äkımı.
Ol barlyq balanyŋ der kezınde evakuasiialanyn jetkızdı. Aldyn ala mälımetter boiynşa Resei «Şahed» drondarymen şabuyldaǧan.
Ukraina basşysy Vladimir Zelenskii būl jaǧdaiǧa bailanysty pıkır bıldırdı.
«Balabaqşaǧa dronmen soqqy jasau äreketın aqtauǧa eşqandai sebep joq jäne bolmaidy. Būl — beibıt şeşımdı talap etetın jandarǧa jasalǧan qorlyq. Būzaqylar men terroristerdı tek küşpen ǧana ornyna keltıruge bolady», — dedı ol.
