Polşa qūqyq qorǧau organdary Belaruspen şekaraǧa jaqyn ornalasqan Biala-Podliaska qalasynda reseilık suretşı ärı aksionist Semen Skrepeskiidıŋ qaza tapqanyn rastady, dep habarlaidy "Adyrna" ūlttyq portaly.
VVS mälımetınşe, oqiǧa 15 mausym künı taŋerteŋ suretşı tūrǧan üidıŋ janyndaǧy kölık tūraǧynda bolǧan. Polisiia marqūmnyŋ 44 jastaǧy Resei azamaty ekenın anyqtady. Keiın prokuratura onyŋ būqaralyq aqparat qūraldarynda Semen Skrepeskii degen atpen tanylǧan Robert Kuzovkov ekenın mälımdedı.
Prokuratura ökılderınıŋ aituynşa, Skrepeskii şyǧarmaşylyǧynda Resei bilıgınıŋ qazırgı saiasatyn synǧa alyp jürgen. Ol türlı reseilık saiasatkerlerge arnalǧan karikaturalarymen tanymal bolǧan.
Iske bailanysty Belarustıŋ ekı azamaty ūstaldy. Alaida qazırgı uaqytta olarǧa resmi aiyp taǧylǧan joq. Tergeu amaldary jalǧasyp jatyr.
Būǧan deiın bırqatar būqaralyq aqparat qūraldary qaza tapqan adamnyŋ 2021 jyly Reseiden Polşaǧa qonys audarǧan Semen Skrepeskii ekenın habarlaǧan. Mälımetterge säikes, ol saiasi sebeptermen qudalaudan qauıptenıp, otbasymen bırge Biala-Podliaska qalasyna köşıp kelgen.
