Armeniianyŋ qauıpsızdık keŋesınıŋ hatşysy Alen Simonian Türkiiamen qarym-qatynasty qalypqa keltıru mäselesıne qatysty pıkır bıldırıp, ekı el arasynda qaqtyǧys tuyndauyna jol bermeu qajet ekenın aitty, dep habarlaidy "Adyrna".
Onyŋ sözınşe, Armeniia bolaşaq ūrpaqqa kek emes, beibıtşılık mūrasyn qaldyruy kerek.
Simoniannyŋ pıkırınşe, Armeniia men Türkiianyŋ soǧysuyna eşqandai negız joq. Ol elde 70 jyl boiy qalyptasqan «Reseige arqa süiemesek, Türkiia bızdı basyp alady» degen tüsınık şyndyqqa janaspaitynyn aitty.
«Nelıkten bız türıktermen soǧysuymyz kerek? Eger olar bızge şabuyl jasaudy şeşse, bız qorǧanysymyzdy küşeitıp ülgermeimız. Bızge 70 jyl boiy Reseige süienu kerek, äitpese türıkter bızdı joiyp jıberedı degen jaŋsaq tüsınık qalyptastyryldy. Alaida onyŋ şyndyqqa eş qatysy joq», – dedı ol.
Sonymen qatar Alen Simonian eldıŋ qorǧanys qabıletın qamtamasyz etu üşın quatty armiia qajet ekenın atap öttı. Onyŋ aituynşa, soǧystyŋ aldyn alu jäne keler ūrpaqqa beibıt ömır qaldyru – Armeniia qauıpsızdıgınıŋ maŋyzdy kepıldıkterınıŋ bırı.
Qauıpsızdık keŋesınıŋ hatşysy «Tramp baǧyty» (TRIPP) jobasyna da toqtaldy. Ol sauda bailanystary men ortaq ekonomikalyq müddeler qalyptastyru beibıtşılıktı nyǧaituǧa yqpal etetının aitty. Simonian jobanyŋ ekonomikalyq, diplomatiialyq jäne qauıpsızdık tūrǧysynan maŋyzy bar ekenın jetkızdı.
Sondai-aq onyŋ mälımetınşe, marşrut İran şekarasynan şamamen 15 metr qaşyqtyqta ötedı. Sondyqtan jobanyŋ rölın AQŞ, İran jäne tūtas öŋırdıŋ müddelerı tūrǧysynan qarastyru qajet.
«Būl – ekonomikalyq ärı diplomatiialyq joba, beibıtşılık qūraly», – dedı Alen Simonian.
