Reseidıŋ Qazaqstandaǧy elşılıgı Vladimir Putinnıŋ Memleket basşysy Qasym-Jomart Toqaevqa joldaǧan qūttyqtau hatyn jariialady, dep habarlaidy "Adyrna" ūlttyq portaly.
Onda Resei prezidentı Qazaqstannyŋ äleumettık-ekonomikalyq damu jolyndaǧy tabystaryn atap öttı.
«Sızdıŋ elıŋız äleumettık-ekonomikalyq damudyŋ jolymen nyq qadam basyp keledı jäne halyqaralyq arenadaǧy öz ūstanymyn jüielı türde nyǧaityp otyr. Resei men Qazaqstan arasyndaǧy bailanystar öte joǧary deŋgeide. Bızdıŋ memleketter türlı baǧyttar boiynşa tabysty yntymaqtasuda, TMD, EAEO, ŪQŞŪ, ŞYŪ jäne basqa da köpjaqty qūrylymdar aiasynda tiımdı özara äreket etude. Ortaq küş-jıgerımızben Mäskeu men Astana arasyndaǧy strategiialyq ärıptestık pen odaqtastyq qatynastardy damytuǧa qol jetkızemız dep senemın», - delıngen Putinnıŋ qūttyqtauynda.
Sondai-aq Vladimir Putin Qasym-Jomart Toqaevtyŋ aldaǧy Reseige memlekettık saparyn eske salyp, Qazaqstan halqyna amandyq pen örkendeu, al Prezidentke densaulyq pen tabys tıledı.
