Prezident Qasym-Jomart Toqaev Qarjylyq monitoring agenttıgınen kommersiialyq bankterdegı zaŋsyz jäne kümändı operasiialarǧa baqylaudy küşeitudı talap ettı, dep habarlaidy «Adyrna» tılşısı.
Memleket basşysy mūndai operasiialarǧa mysal retınde körşıles bır eldıŋ milliardtaǧan dollardy Qazaqstandaǧy belgılı bır bank arqyly syrtqa şyǧarǧanyn keltırdı.
«Jaqynda töraǧa Elimanov qazaqstandyq bankterdıŋ bırı arqyly byltyr körşıles elden basqa memleketterge 7 trillion teŋgeden astam qarjy "jöneltılgenı" turaly baiandady. Menıŋ oiymşa, būl zaŋǧa, ekonomikaǧa, tıptı saiasatqa qaişy keletın ersı jaǧdai. Ökınışke qarai, mūndai alaiaqtyq qarjy shemalaryna qatysty faktıler azaimai tūr»,-dedı Toqaev.
Prezidenttıŋ aituynşa, alaiaqtyq sipattaǧy qarjylyq shemalarǧa qatysty mūndai derekter älı de az emes. Alaida ol naqty qai bank jäne qai el turaly söz bolyp otyrǧanyn ataǧan joq.
