پرەزيدەنت قاسىم-جومارت توقاەۆ قارجىلىق مونيتورينگ اگەنتتىگىنەن كوممەرتسيالىق بانكتەردەگى زاڭسىز جانە كۇماندى وپەراتسيالارعا باقىلاۋدى كۇشەيتۋدى تالاپ ەتتى، دەپ حابارلايدى «ادىرنا» ءتىلشىسى.
مەملەكەت باسشىسى مۇنداي وپەراتسيالارعا مىسال رەتىندە كورشىلەس ءبىر ەلدىڭ ميللياردتاعان دوللاردى قازاقستانداعى بەلگىلى ءبىر بانك ارقىلى سىرتقا شىعارعانىن كەلتىردى.
«جاقىندا توراعا ەليمانوۆ قازاقستاندىق بانكتەردىڭ ءبىرى ارقىلى بىلتىر كورشىلەس ەلدەن باسقا مەملەكەتتەرگە 7 تريلليون تەڭگەدەن استام قارجى "جونەلتىلگەنى" تۋرالى باياندادى. مەنىڭ ويىمشا، بۇل زاڭعا، ەكونوميكاعا، ءتىپتى ساياساتقا قايشى كەلەتىن ەرسى جاعداي. وكىنىشكە قاراي، مۇنداي الاياقتىق قارجى سحەمالارىنا قاتىستى فاكتىلەر ازايماي تۇر»،-دەدى توقاەۆ.
پرەزيدەنتتىڭ ايتۋىنشا، الاياقتىق سيپاتتاعى قارجىلىق سحەمالارعا قاتىستى مۇنداي دەرەكتەر ءالى دە از ەمەس. الايدا ول ناقتى قاي بانك جانە قاي ەل تۋرالى ءسوز بولىپ وتىرعانىن اتاعان جوق.
