Almatydaǧy Äl-Farabi atyndaǧy Qazaq ūlttyq universitetınde (QazŪU) jataqhana mäselesıne qatysty dau tuyndady. Joǧary oqu ornyna deiıngı bılım beru fakultetınıŋ bırqatar studentı jataqhanadan oryn bölude ädıletsızdık bar ekenın aityp şaǧymdanuda. Būl turaly Qazaq Today jazdy, dep habarlaidy “Adyrna”.
Studentterdıŋ aituynşa, Qytai, Özbekstan jäne Moŋǧoliia elderınen kelgen etnikalyq qazaqtar (qandastar) universitet jataqhanasynan oryn ala almai, qala şetındegı audandardan qatynap oquǧa mäjbür. Olardyŋ köbı 16–17 jastaǧy jastar bolǧandyqtan, sabaq keş aiaqtalatyn künderı üige qaitu kezınde qauıpsızdık mäselesı tuyndaidy.
Al studentterdıŋ mälımdeuınşe, däl osy fakultettegı keibır aqyly bölımde oqityn şeteldık studentter jataqhanamen tolyq qamtamasyz etılgen. Būl jaǧdai oqu ornyndaǧy bölınu tetıkterıne qatysty sūraqtar tuǧyzuda.
QazŪU äkımşılıgı äzırge būl mäselege qatysty resmi tüsınıkteme bergen joq.
Būǧan deiın universitet aty bırneşe ret türlı daularmen atalǧan bolatyn.
Mäselen, osyǧan deiın QazŪU basşylyǧyna qatysty universitettıŋ baǧaly jer telımderın satu boiynşa jemqorlyq dauy bolǧan edı.
Al osy jazda Almatyda QazŪU studentınıŋ 14-qabattan sekırıp, özıne-özı qol jūmsap qaitys bolǧany turaly qaiǧyly habar tarady.
Ötken jyly «Päktık tızımı» (Spisok devstvennis) taralsa, endı, mıne, jataqhana töŋıregındegı kezektı dau tuyndap otyr.
