Bügın, 29 qazanda Resei äskerilerı Ukrainanyŋ Herson qalasyndaǧy balalar auruhanasyna oq atty. Būl turaly oblystyq äskeri äkımşılıktıŋ basşysy Aleksandr Prokudin men qalalyq äskeri äkımşılıktıŋ jetekşısı Iаroslav Şanko aitty, dep habarlaidy «Adyrna» tılşısı.
Şabuyl saldarynan toǧyz adam jaraqat alǧan.
«Resei Hersondaǧy balalar auruhanasyna artilleriialyq soqqy jasady. Sol uaqytta mekemede kışkentai balalar, olardyŋ ata-analary jäne medisina qyzmetkerlerı bolǧan. Aldyn ala mälımet boiynşa, şabuyldan toǧyz adam jaraqat alǧan, olardyŋ törteuı — bala, üşeuı — medisina qyzmetkerlerı», — delıngen habarlamada.
Soqqy saldarynan auruhana ǧimaraty qatty bülınıp, körşı nysandar da zaqymdanǧan.
Resei Ukrainaǧa basqynşylyǧy barysynda balalar mekemesın atqylaudy toqtatpai otyr. Būdan aldyn 22 qazan künı Resei äskerı Ukrainanyŋ Harkov qalasynda jeke balabaqşany dron nysanasyna alyp, balalar jaralanyp, ört şyqqan. Ukraina basşysy Vladimir Zelenskii sol kezde «Balabaqşaǧa dronmen soqqy jasau äreketın aqtauǧa eşqandai sebep joq jäne bolmaidy. Būl — beibıt şeşımdı talap etetın jandarǧa jasalǧan qorlyq. Būzaqylar men terroristerdı tek küşpen ǧana ornyna keltıruge bolady», - degen.
