Mäjılıste «Qazaqstan Respublikasyndaǧy bankter jäne bank qyzmetı turaly» jäne «Qarjy naryǧyn retteu jäne damytu mäselelerı boiynşa keibır zaŋnamalyq aktılerge özgerıster men tolyqtyrular engızu turaly» zaŋ jobalarynyŋ bırınşı oqylymy öttı. Talqylau barysynda Mäjılıs deputaty Berık Tūrsynbekūly Beisenǧaliev atalǧan zaŋ jobalaryn qoldap, olardyŋ elımızdıŋ qarjy sektoryn damytuǧa baǧyttalǧanyn atap öttı, dep habarlaidy “Adyrna”.
Deputattyŋ aituynşa, būl reformalar soŋǧy jyldary qabyldanǧan qarjy naryǧyn jetıldıru şaralarynyŋ qisyndy jalǧasy bolyp sanalady.
«Qarastyrylyp otyrǧan zaŋdar naryqqa jaŋa qatysuşylardyŋ keluıne jaǧdai jasap, bäsekelestıktı arttyruǧa, sifrlyq qarjylyq tehnologiialardy damytuǧa jäne bankterdıŋ ekonomikany qarjylandyruǧa belsendı qatysuyna yqpal etedı», — dedı Berık Beisenǧaliev.
Onyŋ sözınşe, bazalyq lisenziiany engızu bank naryǧyna kırudı jeŋıldetıp, ırı mikroqarjy ūiymdarynyŋ aimaqtyq bankterge ainaluyna mümkındık beredı. Būl öz kezegınde şaǧyn jäne orta biznestı nesielendıru kölemın arttyruǧa jol aşady.
«Qarjy naryǧynda oiynşylar köp bolǧan saiyn, bäsekelestık artyp, būl ekonomikany nesielendıruge oŋ äser etedı», — dedı deputat.
Mäjılıs deputaty halyqtyŋ qarjylyq sauattylyǧynyŋ tömendıgın atap ötıp, jaŋa zaŋ jobalarynda tūtynuşylardyŋ qūqyqtaryn qorǧauǧa erekşe köŋıl bölıngenın jetkızdı.
Jaŋa normalarǧa säikes, qarjy ūiymdary nesie berer aldynda qaryz aluşynyŋ tölem qabıletın mūqiiat tekseruge jäne qarjylyq önımder turaly tolyq aqparatty aşyq körsetuge mındettı.
«Mınez-qūlyqtyq qadaǧalaudy engızu – bankterdıŋ tabystylyǧy men tūraqtylyǧynan bölek, azamattardyŋ qūqyqtaryn qorǧau tūrǧysynan da maŋyzdy qadam», — dep atap öttı Berık Beisenǧaliev.
Deputat öz sözınde kredittık alaiaqtyq mäselesıne de toqtaldy. Onyŋ aituynşa, soŋǧy ekı jyl ışınde Parlament būl baǧytta ekı maŋyzdy zaŋ qabyldaǧan.
Bırınşıden, bankter men mikroqarjy ūiymdary nesie räsımdeu kezınde mındettı biometriialyq säikestendırudı engızdı.
Ekınşıden, kepılsız nesie aludyŋ alǧaşqy räsımdeu kezınde qaryz aluşynyŋ bankke jeke qatysuy talap etıledı.
Sonymen qatar, 21 jasqa deiıngı jäne 55 jastan asqan azamattarǧa nesie beru kezınde olardyŋ Elektrondyq ükımet portaly arqyly kelısımı mındettı.
Qaryz aluşyǧa oilanuǧa mümkındık beru maqsatynda «salqyndatu kezeŋı»engızıldı — nesie kelısımı jasalǧannan keiın 24 saǧat ışınde ony bas tartu qūqyǧy qarastyrylǧan.
Eger bankter men mikroqarjy ūiymdary biometriiany saqtamasa nemese kelısımsız nesie räsımdese, mūndai qaryzdar sottan tys tärtıppen joiylady.
Būl normalar 2024 jyldyŋ 1 qyrküiegınen bastap küşıne engen. Retteuşı organnyŋ mälımetınşe, osy uaqyttan berı onlain-alaiaqtyq jaǧdailarynyŋ azaiǧany baiqalady.
Qorytyndylai kele, Berık Beisenǧaliev jaŋa zaŋ jobalarynyŋ bank jüiesın nyǧaituǧa, qarjy naryǧynyŋ aşyqtyǧy men tiımdılıgın arttyruǧa, sondai-aq azamattardyŋ qūqyqtaryn qorǧauǧa baǧyttalǧanyn atap öttı.
«Būl reformalar elımızdıŋ qarjy jüiesın odan ärı tūraqty ärı bäsekege qabılettı etuge yqpal etedı. Ärıptesterımdı osy zaŋ jobalaryn qoldauǧa şaqyramyn», — dedı deputat.
