Prezident Qasym-Jomart Toqaevtyŋ AQŞ-qa sapary osy aptanyŋ eŋ köp talqylanǧan halyqaralyq oqiǧalarynyŋ bırı bolyp, jetekşı älemdık būqaralyq aqparat qūraldarynyŋ keŋ nazaryn audartty.
Japoniianyŋ jetekşı aqparat agenttıgı Kyodo News Toqaevtyŋ sapary C5+1 formatyndaǧy sammittıŋ keŋeitılgen auqymda ötkenın atap öttı. Agenttık Vaşingtonnyŋ Ortalyq Aziia elderımen yntymaqtastyqty nyǧaituǧa baǧyttalǧan ösıp kele jatqan nazaryn erekşe atap körsettı. Avtorlardyŋ pıkırınşe, Qazaqstan AQŞ-tyŋ maŋyzdy serıktesı ärı öŋırlık diplomatiianyŋ negızgı buyny retınde öz ūstanymyn nyǧaityp keledı.
Financial Times basylymy sapardyŋ önerkäsıptık jäne tehnologiialyq kün tärtıbıne basymdyq berdı. Basylymnyŋ jazuynşa, Qazaqstan – uran öndırısı boiynşa älemdegı jetekşı memleket, sondai-aq Vaşingtonda strategiialyq maŋyzdy mineraldar salasyndaǧy yntymaqtastyq turaly Memorandumǧa jäne qūny 2 mlrd AQŞ dollaryna deiın baǧalanǧan jasandy intellektke arnalǧan chipterdı jetkızu jönındegı Nvidia kompaniiasymen kelısımge qol qoiylǧanyn habarlady.
Sapardyŋ maŋyzdy nätijelerınıŋ bırı – Qazaqstannyŋ Avraam kelısımderıne qosylatyny turaly mälımdeme boldy. Būl bastama İzrailmen qarym-qatynasty qalypqa keltıruge baǧyttalǧan halyqaralyq yntymaqtastyqtyŋ bır bölıgı bolyp tabylady.
CNN telearnasy būl şeşımdı tarihi dep atap, Donald Tramptyŋ sözın keltırdı:
«Men İzrail Premer-ministrı Biniamin Netaniahumen jäne Qazaqstan Prezidentı Qasym-Jomart Toqaevpen öte jaqsy äŋgımelestım. Menıŋ ekınşı prezidenttık merzımım kezınde Avraam kelısımderıne qosylǧan alǧaşqy el – Qazaqstan boldy. Būl halyqaralyq serıktestıktıŋ jaŋa kezeŋınıŋ bastauy», — dedı Tramp.
The Washington Post basylymy Qazaqstannyŋ būl şeşımın «negızınen simvoldyq maŋyzǧa ie» dep baǧalap, Astana men Tel-Aviv arasyndaǧy 30 jyldan astam uaqytqa sozylǧan diplomatiialyq qatynastardy eske saldy.
Axios portaly būl qadamnyŋ «Qazaqstannyŋ mūsylman älemı men Batys arasyndaǧy köpır retındegı rölın küşeitıp, ekonomikalyq jäne gumanitarlyq yntymaqtastyqtyŋ jaŋa mümkındıkterın aşatynyn» atap öttı.
The New York Times sarapşylarynyŋ pıkırınşe, Toqaevtyŋ būl sapary bükıl Ortalyq Aziia öŋırı üşın maŋyzdy oqiǧaǧa ainalyp, Qazaqstannyŋ diplomatiialyq yqpalynyŋ artyp kele jatqanyn jäne onyŋ AQŞ üşın strategiialyq serıktes retındegı märtebesın rastady.
The Straits Times basylymy kelıssözderdegı negızgı taqyryptardyŋ bırı energetikalyq qauıpsızdık bolǧanyn habarlady. AQŞ tarapy Qazaqstannan uran men özge de strategiialyq maŋyzdy mineraldardy jetkızudı keŋeituge müddelılık tanytqan.
Reuters halyqaralyq agenttıgı Prezident Toqaev pen Prezident Tramptyŋ Aq üidegı kezdesuın syndarly jäne ıskerlık ahualda öttı dep sipattap, kelıssözderdıŋ sauda, energetika jäne tehnologiialar salalaryn qamtyǧanyn jetkızdı.
Osylaişa, Prezident Toqaevtyŋ Vaşingtonǧa sapary Qazaqstannyŋ köpvektorly diplomatiiasynyŋ simvoly ǧana emes, sonymen qatar jahandyq jetekşı serıktesterdıŋ bırımen strategiialyq yntymaqtastyqty nyǧaituǧa baǧyttalǧan naqty qadam boldy.
