Aq úı Taıvan tóńiregindegi jaǵdaıdy talqylaý úshin Qytaıdyń Vashıngtondaǵy elshisin shaqyrdy. Bul týraly 5 tamyzda The Washington Post basylymy jarııalady, dep habarlaıdy “Adyrna” ulttyq portaly.
Basylymnyń málimetinshe, dıplomatty AQSh ákimshiligi bir kún buryn, beısenbi kúni shaqyrǵan.
«Qytaıdyń túngi áreketterinen keıin biz QHR-nyń arandatýshylyq áreketterin kórsetý úshin elshi ın Gandy Aq úıge shaqyrdyq. Biz Qytaıdyń jaýapsyz jáne Taıvan buǵazynda beıbitshilik pen turaqtylyqty saqtaý jónindegi kópten bergi maqsatymyzǵa qaıshy keletin áskerı áreketterin aıyptaımyz», - dedi Aq úıdiń baspasóz hatshysy Djon Kırbı gazetke bergen túsiniktemesinde.
Onyń aıtýynsha, Aq úı de Ókilder palatasynyń spıkeri Nensı Pelosıdiń sapary aıasynda AQSh-tyń aımaqta daǵdarysty qalamaıtynyn bildirgisi kelgen.
Amerıkalyq tarap ınge AQSh-tyń «bir Qytaı» saıasatynda eshteńe ózgermegenin basa aıtyp, barlyq baılanys joldaryn saqtaǵysy keletinderin qýattady. Alaıda Vashıngton Beıjińniń áreketin qabyldaýǵa bolmaıdy dep sanaıdy.
Eske salaıyq, Pelosı aralǵa 2 tamyzda keldi jáne onyń saparyn «AQSh-tyń Taıvan demokratııasyn qoldaýǵa berilgendiginiń aıǵaǵy» dep atady. Bul AQSh Kongresi Ókilder palatasy spıkeriniń Taıvanǵa sońǵy 25 jyldaǵy alǵashqy resmı sapary. Pekın Vashıngtonǵa úzildi-kesildi narazylyq bildirip, jaýap sharalaryna ýáde berdi.
4 tamyzda Qytaı Halyq azattyq armııasy Taıvan tóńireginde úsh kúndik aýqymdy atys jattyǵýlaryn bastady. Sonymen birge Reuters aqparat kózine silteme jasap, Taıvan Qytaı áýe kúshteriniń oqý-jattyǵýlardaǵy áreketterin baqylaý úshin zymyrandyq keshenderdi ornalastyryp jatqanyn jazdy.
Qytaı Syrtqy ister mınıstrligi 5 tamyzda Qytaıdyń Pelosı men onyń jaqyn týystaryna sankııa salatynyn habarlady.
Aıta keteıik, Taıvan Qytaıdyń bir bóligi. Biraq talaı onjyldyqtar boıy táýelsiz memleket retinde ómir súrip keledi. QHR úkimeti men onyń araldyq provınııasy arasyndaǵy resmı qarym-qatynas 1949 jyly úzildi, baılanystar 1980 jyldardyń aıaǵynda qalpyna keltirildi.
”Adyrna” ulttyq portaly
