Ukraina prezidentı Vladimir Zelenskii AQŞ ūsynǧan soǧys toqtatu jönındegı beibıt josparǧa qatysty halyqqa 10 minuttyq ündeu jasady, dep habarlaidy "Adyrna" ūlttyq portaly.
Prezidenttıŋ videoündeuı onyŋ barlyq äleumettık jelıdegı paraqşalarynda jariialandy.
Zelenskii Ukraina qazırgı uaqytta tarihtaǧy eŋ kürdelı kezeŋderdıŋ bırın bastan ötkerıp jatqanyn aitty. Onyŋ sözınşe, aldaǧy apta el üşın «öte qiyn» bolmaq.
"Qazır Ukraina öte auyr taŋdaudyŋ aldynda qaluy mümkın: ne abyroidan aiyrylu qaupı, ne basty ärıptesten aiyrylu, ne ūsynylǧan 28 tarmaqtyŋ qiyn mındetterı, ne eŋ auyr qys. Bız daŋǧoilyqqa barmaimyz, Amerika jäne barlyq serıktesterımızben sabyrly ärı jüielı türde jūmys ıstei beremız", – dedı ol.
Prezident eldıŋ negızgı qūndylyqtary qandai jaǧdaida da saqtaluy tiıs ekenın atap öttı.
«Men jospardaǧy barlyq tarmaq talqylanǧan kezde kem degende ekı närsenıŋ nazardan tys qalmauy üşın küresemın. Olar – ukrain halqynyŋ namysy men erkındıgı. Sebebı qalǧanynyŋ bärı osyǧan negızdeledı: bızdıŋ täuelsızdıgımız, egemendıgımız, jerımız, halqymyz jäne bolaşaǧymyz», – dedı Zelenskii.
Ol sondai-aq ışkı saiasi küşterdı tartysty toqtatyp, el müddesın bırınşı orynǧa qoiuǧa şaqyrdy.
«Barlyq saiasatkerlerdı sabyrǧa keluge, qajetsız aiǧai-şudan bas tartuǧa şaqyramyn. Ukrainada kımnıŋ jau ekenın ūmytpau kerek. Memleket soǧys jaǧdaiynda bırlesıp jūmys ısteuı tiıs: parlament te, ükımet te tiımdı şeşım qabyldauy qajet», – dedı prezident.
Zelenskii Ukraina ūlttyq müddesın satpaitynyn, serıktesterımen bırlesıp konstruktivtı ūsynystar ızdeitının aitty.
Prezidenttıŋ aituynşa, aldaǧy künderı maŋyzdy şeşımder men oqiǧalar köp bolmaq.
