Ūjymdyq qauıpsızdık turaly şart ūiymy bas hatşyny auystyruǧa daiyndalyp jatyr, dep habarlaidy «Adyrna» tılşısı.
İmanǧali Tasmaǧambetovtyŋ ökılettık merzımı aiaqtaluǧa jaqyn, sondyqtan müşe memleketter jaqyn künderı onyŋ ornyna keletın jaŋa bas hatşyny üş jyldyq merzımge taŋdaidy.
Jaŋa kandidatura 27 qaraşada Bışkekte qaralmaq. Būl künı syrtqy ıster ministrlerı, qorǧanys ministrlerı jäne qauıpsızdık keŋesterı hatşylarynyŋ bırlesken otyrysy ötedı.
«Kezdesude qatysuşylar esırtkı ainalymyna qarsy küres jäne zaŋsyz köşı-qon mäselelerı boiynşa yntymaqtastyqty talqylaidy. ŪQŞŪ Ūjymdyq qauıpsızdık keŋesınıŋ sessiiasynda ūiymǧa müşe elderdıŋ ortaq qauıpsızdık ūstanymdary körsetılgen deklarasiia qabyldanyp, 2026 jyly Resei ūiymǧa töraǧalyq etken kezeŋde jüzege asyratyn basym baǧyttar jariialanady», - delıngen ūiym habarlamasynda.
Aita keteiık, būǧan deiın İmanǧali Tasmaǧambetov premer-ministr, Astana men Almaty qalalarynyŋ äkımı, Qorǧanys ministrı jäne Qazaqstannyŋ Reseidegı elşısı qyzmetterın atqarǧan.
Jaqynda Tasmaǧambetovtyŋ aty ukrainalyq «Mirotvores» bazasyna engızıldı. Onda ony «soǧys nasihaty men Reseidıŋ Ukrainaǧa qarsy agressiiasyn qoldady» dep aiyptaǧan.
