Astanada äskeri qyzmetşılerdıŋ qūqyqtary men äleumettık kepıldıkterın qamtamasyz etu, armiianyŋ äleuetın nyǧaitu jäne äskeri qyzmettıŋ bedelın köteru mäselelerıne arnalǧan döŋgelek üstel öttı. Is-şaraǧa Senat pen Mäjılıs deputattary, memlekettık organdar men küştık qūrylymdardyŋ, qoǧamdyq ūiymdardyŋ ökılderı men sarapşylar qatysty.
Qorǧanys ministrı aviasiia general-leitenanty Däuren Qosanov vedomstvo jūmysynyŋ negızgı baǧyttary turaly baiandady. Ol jauyngerlık daiyndyqty jetıldıru, infraqūrylymdy jaŋǧyrtu, qauıpsızdık standarttary men sifrlyq şeşımderdı engızu töŋıregınde atqarylyp jatqan jūmystarǧa toqtaldy. Ministrdıŋ aituynşa, äskeri qyzmettıŋ qauıpsız jaǧdaiyn qalyptastyru jäne äskerge şaqyru tärtıbın aşyq etu üşın Parlamentpen, qoǧammen, sondai-aq ata-analar qauymdastyǧymen tyǧyz bailanys qajet.
Ministr, äsırese merzımdı qyzmettegı sarbazdarmen keşendı jūmysty küşeituge jäne profilaktikalyq şaralardy arttyruǧa basa nazar audarylatynyn atap öttı. Komandirlerdı daiyndau talaptary küşeitılıp, normativtık baza jetıldırılıp, sarbazdardyŋ otbasylarymen bailanys keŋeiıp keledı.
Qatysuşylarǧa äleumettık qoldau şaralary da tanystyryldy. Atap aitqanda, biyl 2710 sarbaz bılım granttaryn alsa, 20 myŋnan astam äskeri qyzmetşı jalpy somasy 8 mlrd teŋgenı qūraityn kredittık demalysqa qol jetkızdı. Būdan bölek «Smart voenkomat», Jauynger, Sarbaz 2.0 jäne Askeri Ziyat siiaqty sifrlyq jobalar, sondai-aq Arnaiy operasiialar küşterınıŋ jaŋa kiım ülgılerı men jabdyqtary ūsynyldy.
Senat deputaty Bibıgül Jeksenbai qorǧanys salasynda äskeri ombudsmen institutyn engızudı qarastyrudy ūsyndy. Onyŋ aituynşa, būl tetık qoǧam, äskeri qyzmetşıler jäne Parlament arasyndaǧy bailanysty nyǧaityp, azamattar ötınışterıne jäne äskeri qyzmetşılerdıŋ qajettılıkterıne jedel äreket etuge mümkındık beredı.
Qoǧamdyq ūiym ökılderı aşyq kommunikasiia men senımdı aqparat közderınıŋ maŋyzyn atap öttı. «Analar jüregı» sarbaz analary komitetınıŋ töraiymy Liliia Hairullina resmi ärı aşyq aqparattyŋ qauesetterdıŋ aldyn alyp, qoǧam senımın arttyruǧa yqpal etetının aitty.
Talqylauǧa Qazaqstan halqy Assambleiasynyŋ ökılderı, sarapşylar jäne būqaralyq aqparat qūraldarynyŋ ökılderı de qatysty. «Aiqyn» gazetınıŋ bas redaktory, äskeri sarapşy Amangeldı Qūrmet aqparattyq keŋıstıkte oŋ pıkır qalyptastyrudy nyǧaityp, qoǧam senımın arttyru baǧytynda jüielı jūmys jürgızu qajettıgın köterdı.
Mäjılıs deputattary zaŋnamany odan ärı jetıldıru kerek ekenın atap öttı. Biyl äskeri-patriottyq tärbie, aumaqtyq qorǧanys jäne rezervtık qyzmet turaly üş maŋyzdy zaŋ qabyldanǧany eske saldy.
Qaruly küşterdıŋ ardagerlerı Halyq qaharmany general-leitenant Baqytjan Ertaev pen general-maior Marat Naǧūmanov jeke qūrammen jūmysty jetıldıruge qatysty öz täjıribelerın ortaǧa salyp, ūsynystaryn jetkızdı.
Döŋgelek üstel formaty memlekettık organdar, küştık qūrylymdar jäne qoǧamdyq ūiym ökılderınıŋ ortaq ūstanymdaryn bırıktıruge mümkındık berdı. Jiyn qorytyndysy boiynşa äskeri qyzmetşıler men olardyŋ otbasylaryn äleumettık qorǧaudy küşeitu, qyzmet jaǧdailaryn jaqsartu jäne jastardy äskeri-patriottyq tärbieleu salasynda zaŋ şyǧaruşylardyŋ, memlekettık organdar men qoǧamnyŋ bırlesken jūmysyna baǧyttalǧan bırqatar ūsynystar äzırlendı
