Türkiianyŋ aviaqūrylys salasyndaǧy jetekşı kompaniiasy Baykar özınıŋ jaŋa ūşqyşsyz jauyngerlık ūşaǧy Bayraktar Kızılelma-ny alǧaş ret synaqtan ötkızdı. Būl synaqtyŋ nätijesı aviasiia tarihynda bıregei jetıstık retınde baǧalanyp otyr, öitkenı Kızılelma "äue-äue" klasyndaǧy zymyranmen nysanany sättı joidy. Būl oqiǧa ūşqyşsyz aviasiianyŋ jaŋa kezeŋge qadam basqanyn körsettı.
Synaq Türkiianyŋ Sinop qalasy maŋyndaǧy äskeri poligonda jürgızıldı. Baykar kompaniiasynyŋ mälımetı boiynşa, synaq barysynda Kızılelma reaktivtı qozǧaltqyşpen ūşyp, alys qaşyqtyqta ūşatyn äue nysanasyn radar arqyly anyqtap, baqylauǧa alǧan.
Nysananyŋ naqty ornalasuy belgılengen sätte ūşaq qanatyna ornatylǧan «äue-äue» zymyrandy ıske qosyp, ony «absoliuttı däldıkpen» joiǧan. Būl nätijenı būryn-soŋdy eşbır ūşqyşsyz ūşaq jasamaǧan bolatyn.
Qazırgı uaqytta älemnıŋ köptegen elderı ūşqyşsyz äskeri istrebitelder konsepsiiasyn damytuda, bıraq olardyŋ köpşılıgı tek jerdegı nysandarǧa şabuyl jasauǧa baǧyttalǧan. Al Bayraktar Kızılelma osy salada jaŋa jetıstıkke qol jetkızıp, äue nysanalaryn atu mümkındıgıne ie bolǧan bırınşı ūşqyşsyz ūşaq retınde tarihta qaldy. Būl synaq älemde balamasy joq oqiǧa bolyp tabylady, sebebı būryn eşbır ūşqyşsyz ūşaq äue nysanasyna soqqy jasaǧan emes.
Synaqqa Türkiia Äue küşterınıŋ bes F-16 istrebitelı de qatysty. Olar Kızılelma-men bırlesıp ūşyp, pilotty jäne pilotsyz aviasiianyŋ bırlesken operasiialarynyŋ mümkındıkterın tekserdı. Būl şara bolaşaqta pilotty jäne pilotsyz ūşaqtar arasyndaǧy üilesımdı operasiialardy damytuǧa mümkındık beredı.
Bayraktar Kızılelma joǧary tehnologiialarmen jabdyqtalǧan ūşqyşsyz jauyngerlık ūşaq. Onyŋ basty erekşelıkterı mynalar:
- Alys qaşyqtyqtan äue nysandaryn anyqtau mümkındıgı.
- Tömen baiqaluşylyq: radarǧa az körınetın tehnologiialardy qoldanu.
- Joǧary manevrlık: reaktivtı qozǧaltqyştyŋ arqasynda jyldamdyq pen manevr jasau mümkındıgı.
- Aldymen köru — bırınşı bolyp şabuyldau: Kızılelma özınıŋ joǧary manevrlık qasietterı men jetıldırılgen datchikterı arqyly äue soǧysynda qarsylasty ūtyp, qauıpsızdık pen tiımdılıktı qamtamasyz etedı.
Aita keteiık, Baykar – älemdegı eŋ ırı ūşqyşsyz ūşaq öndıruşılerınıŋ bırı. Kompaniia 37 memleketpen eksporttyq kelısımşart jasaǧan jäne öz tabysynyŋ 90 paiyzy eksporttan alynady. Kızılelma jobasy – Baykar kompaniiasynyŋ äskeri tehnologiialar salasyndaǧy joǧary jetıstıgı. Būl jobanyŋ ıske asuy Türkiianyŋ äskeri jäne aerokosmostyq saladaǧy aldaǧy josparlary üşın maŋyzdy qadam.
