Qaitarylǧan aktivterdı basqaru kompaniiasy Qairat Satybaldydan memleketke ötken «Baisat» bazaryn qaitadan auksionǧa şyǧardy. Kompaniianyŋ habarlauynşa, qaitalama sauda-sattyq sauda.e-qazyna.kz elektrondyq platformasynda jariialanǧan, dep habarlaidy "Adyrna".
Auksion derekterıne säikes, sauda 26 jeltoqsanda saǧat 11:00-de ötedı. Lottyŋ bastapqy baǧasy – 26 706 317 643 teŋge.
Būl bazar biyl qyrküiek aiynda 28,6 mlrd teŋgege saudaǧa şyǧarylǧan edı. Eske salaiyq, 2024 jyldyŋ qaŋtarynda qylmystyq ıs tergeuı barysynda Qairat Satybaldy özıne tiesılı «Baisat» bazarynyŋ negızgı bölıgın memleketke erıktı türde tapsyrǧan.
Obekt qūramyna jalpy audany 4 221,4 şarşy metrdı jäne 1,4 gektar jer telımın qamtityn üş jyljymaityn mülık nysany kıredı. Būǧan deiın būl mülıkke Qairat Satybaldynyŋ ūly Bauyrjan Nūrsūltanǧa tiesılı «QazGerStroi» bırlesken käsıporny» JŞS jäne «Astana Finansial Group» JŞS enşıles ūiymy ielık etıp kelgen.
Kompaniia auksionnan tüsken qarajattyŋ memleket kırısıne baǧyttalatynyn habarlady.
