1 jeltoqsanda Orda.kz basylymynyŋ keŋsesı men bas redaktordyŋ üiınde jürgızılgen tıntulerden keiın redaksiia öz jūmysyn toqtatpai, qalypty rejimde qyzmetın jalǧastyryp jatyr. Būl turaly jurnalist İslambek Dastan bas redaktor Gülnar Bajkenovanyŋ «Jūmys ısteimız. Orda.kz öz qyzmetın jalǧastyrady» degen sözderın keltırıp, aitty, dep habarlaidy “Adyrna”.
Jambyl oblysyndaǧy Orda.kz tılşısınıŋ mälımetınşe, öŋırlık filialdyŋ şef-redaktory Dmitrii Kim jauap alu räsımınen soŋ bailanysqa şyqqan. Al bas redaktor Gülnar Bajkenova advokatynyŋ qatysuymen tergeu äreketterınde jürgenı habarlandy.
Redaksiia ökılderı tıntulerdı basylymǧa ǧana emes, jalpy jurnalistikaǧa jasalǧan qysym retınde baǧalaitynyn mälımdedı.
Sonymen qatar, advokat Marat Adam būǧan deiın Orda.kz-tegı 70% üleske qatysty reiderlık äreket boiynşa qylmystyq ıs 28 qaraşada qozǧalǧanyn aitqan. Onyŋ sözınşe, tergeu şaralary kezınde qūqyq qorǧau organdary ony qorǧaluşysyna jıbermei, qorǧau qūqyǧyn būzǧan.
Oqiǧaǧa qatysty tergeu jūmystary jabyq rejimde jürgızılude. Redaksiia bolsa, qandai jaǧdaiǧa qaramastan aqparattyq qyzmetın jalǧastyra beretının atap öttı.
Eske salsaq, bügın, 1 jeltoqsanda Orda.kz basylymy redaksiiasynda jäne onyŋ bas redaktory Gülnar Bajkenovanyŋ päterınde tıntu jürgızılgen bolatyn.
Bajkenovaǧa qatysty qylmystyq ıster "qate jäne ädeiı jalǧan aqparat taratu" faktılerı boiynşa bırneşe aryz tüsuıne bailanysty qozǧalǧan. Tergeu derekterıne süiensek, aryzdanuşylardyŋ uäjderı qazır jan-jaqty qaralyp jatyr.
