Foto: kazaknews.kz
Qazaqstan, Qyrǧyzstan jäne Özbekstan (Qaraqalpaqstan) halyqtarynyŋ kiız üi jasaudaǧy dästürlı bılımderı men şeberlıgı IýNESKO-nyŋ adamzattyŋ materialdyq emes mädeni mūrasynyŋ reprezentativtı tızımıne engızıldı. Būl şeşım 10 jeltoqsanda Niu-Delide ötıp jatqan Materialdyq emes mädeni mūrany qorǧau jönındegı ükımetaralyq komitettıŋ 20-sessiiasynda bırauyzdan qabyldandy, dep habarlaidy "Adyrna".
"Būl kiız üidı älemdık mädeniettıŋ bır bölşegı retınde tanu mümkındıgın arttyrady jäne Ortalyq Aziia mūrasynyŋ ortaq ekenın aiǧaqtaidy",-dedı Memlekettık keŋesşı Erlan Qarin.
IýNESKO-ǧa joldanǧan nominasiiada kiız üidıŋ tek baspana ǧana emes, qyrǧyz, qazaq jäne qaraqalpaq halyqtarynyŋ ūlttyq bolmysyn aiqyndaityn mädeni simvol ekenı atap ötıldı. Kiız üi jasau dästürı ǧasyrlar boiy şeberden şäkırtke berılıp, ūrpaq sabaqtastyǧynyŋ maŋyzdy bölıgıne ainalǧan.
Būl element alǧaş ret 2014 jyly Qazaqstan men Qyrǧyzstannyŋ bastamasymen tızımge ūsynylǧan edı. Keiın Özbekstan qaraqalpaq kiız üiın qosu arqyly nominasiiany keŋeitu jönınde bastama köterdı. Osylaişa üş el bırlesken türde mädeni mūrany IýNESKO deŋgeiınde qorǧauǧa qol jetkızdı.
Ūiym mälımetınşe, qazırgı taŋda materialdyq emes mädeni mūranyŋ halyqaralyq tızımderınde 153 elden 812 element bar.
Qazırgı taŋda Qazaqstannyŋ «Salburyn» ūlttyq ötınımı jäne «Keste tıgu önerı» (Qazaqstan, Özbekstan, Täjıkstan), «Kiız basu önerı» (Qazaqstan, Qyrǧyzstan, Äzerbaijan, İran, Moŋǧoliia, Täjıkstan, Türkiia, Özbekstan), «Alpamys jyry» (Qazaqstan, Äzerbaijan, Türkımenstan, Türkiia, Özbekstan), «Taqiia» (Qazaqstan, Türkımenstan, Äzerbaijan, Qyrǧyzstan, Täjıkstan, Özbekstan, Türkiia) atalymdary IýNESKO-nyŋ qarauynda ekenın aita ketken jön.
