Dornbirn qalasynda (Austriia) Europa, Kavkaz jäne Ortalyq Aziia elderınıŋ jetekşı säuletşılerı, urbanisterı, memlekettık instituttary men zertteu ortalyqtarynyŋ ökılderın bırıktırgen SHARE Architecture Awards 2025 halyqaralyq säulet festivalı öttı.
Ūsynǧan urbanistık jobalary üşın SHARE Awards syilyǧymen «Almatybasjospar» ǧylymi-zertteu instituty marapattaldy.
Festival SHARE Architects Society qoldauymen ötkızılıp, arhitekturalyq dialogty damytu men öŋırdegı üzdık jobalardy ılgerıletuge baǧyttalǧan käsıbi platforma bolyp tabylady.
2025 jyly forum tarihyndaǧy eŋ auqymdy baǧdarlama ūsyndy. Barlyǧy 20 elden 114 joba finaldyq kezeŋge ırıktelıp, «Iske asyrylǧan ǧimarattar», «İnterer» jäne «Bolaşaq jobalary» sanattary boiynşa qazylar alqasyna ūsynyldy.
Biyl Qazaqstan forumnyŋ negızgı qatysuşylarynyŋ bırıne ainaldy. «Almatybasjospar» ǦZİ bas direktory Ashat Säduov festivaldıŋ resmi baǧdarlamasyna şaqyryldy.
Baiandama barysynda ol Almatyny damytudyŋ strategiialyq baǧyttaryn tanystyrdy. Atap aitqanda: qalanyŋ polisentrlık modelı, qalalyq ortanyŋ sapasyn arttyru jäne qoǧamdyq keŋıstıkterdı damytu baǧdarlamalary, qala qūrylysyna ǧylymi-taldamalyq täsıldı engızu, sondai-aq qalalyq infraqūrylymnyŋ tūraqtylyǧyna qatysty halyqaralyq standarttardy engızudı ūsyndy.
Is-şara qorytyndysy boiynşa Ashat Säduov «Almatybasjospar» ǦZİ ūjymynyŋ zamanaui urbanistık saiasatty qalyptastyruǧa jäne halyqaralyq arhitekturalyq dialogty damytuǧa qosqan ülesın moiyndaǧan SHARE Awards syilyǧymen marapattaldy.
«Būl marapat Almatydaǧy urbanistikalyq özgerısterge degen halyqaralyq qyzyǧuşylyqtyŋ artyp kele jatqanyn aiqyn däleldep, Qazaqstannyŋ käsıbi säuletşıler qauymdastyǧygdaǧy bedelın küşeite tüstı», – dedı A. Säduov.
