Ukraina Qaruly küşterınıŋ arnaiy operasiialyq küşterı (SSO) Kaspii teŋızınde operasiia jürgızıp, nätijesınde ekı reseilık tankerdı joidy. Būl turaly Oxu.Az SSO baspasöz qyzmetıne sılteme jasap jariialady, dep habarlaidy “Adyrna”.
SSO mälımetınşe, şabuyl Qalmaq Respublikasy jaǧalauynda, kemeler qaru-jaraq pen äskeri tehnika tasymaldap jürgen kezde jasalǧan. Operasiiaǧa «Qara Ūşqyn» köterılısşıler qozǧalysy da aqparattyq qoldau körsetken. Resei bilıgı būl turaly pıkır bıldırgen joq.
Būǧan deiın Ukraina Qauıpsızdık qyzmetınıŋ ūzaq qaşyqtyqqa ūşatyn drondary Kaspii teŋızındegı Filanovskii mūnai platformasyna soqqy berıp, onyŋ jūmysyn toqtatty. Platforma «Lukoil-Nijnevoljskneft» kompaniiasyna tiesılı jäne 20-dan astam ūŋǧymaǧa qyzmet körsetedı. Būl – Kaspiide Reseidıŋ mūnai infraqūrylymyna jasalǧan alǧaşqy ukrain soqqysy.
Soŋǧy aptalarda Ukraina Qauıpsızdık qyzmetınıŋ Sea Baby drondary Qara teŋızde Reseidıŋ «köleŋkelı flotynyŋ» bırneşe tankerıne soqqy jasady:
- Kairos jäne Virat – 28 qaraşada Türkiia jaǧalauynda zaqymdaldy; ekeuı de Batys sanksiiasyna ılıkken. Keiın Kairos Bolgariia jaǧasynda apatqa ūşyraǧany habarlandy.
- Midvolga 2 – 2 jeltoqsanda Gruziiaǧa jaqyn maŋda şabuylǧa tüstı.
- Dashan – 10 jeltoqsanda auyr soqqy alyp, aldyn ala mälımet boiynşa ısten şyqty.
