Astana men Almatydaǧy ekı joǧary oqu ornynyŋ studentterınen tuberkulioz anyqtaldy. Būl aqparatty Densaulyq saqtau ministrlıgı rastady, dep habarlaidy "Adyrna".
Tengrinews.kz redaksiiasyna oqyrmandar habarlasyp, Almatydaǧy Qūrmanǧazy atyndaǧy Qazaq ūlttyq konservatoriiasynyŋ bır studentınen tuberkulioz anyqtalǧanyn aitqan. Olardyŋ mälımetınşe, student şamamen ekı aptadan berı auyryp jürgen, alaida oqu orny ädettegı rejimde jūmysyn jalǧastyryp, karantin engızılmegen.
Sondai-aq oqyrmandar Astanadaǧy L.N. Gumiliov atyndaǧy Euraziia ūlttyq universitetınıŋ bır studentınen de tuberkuliozdıŋ aşyq türı tabylǧanyn habarlaǧan.
Ministrlık mälımetınşe, tuberkulioz tek ekı studentten – är universitetten bır-bır adamnan anyqtalǧan.
"Qūrmanǧazy atyndaǧy konservatoriia men Gumiliov atyndaǧy EŪU studentterınde tırkelgen tuberkulioz jaǧdailary boiynşa olardyŋ oqu ornyndaǧy jäne otbasyndaǧy barlyq bailanysta bolǧan adamdar tekserıldı. Qazırgı uaqytta tuberkuliozdıŋ jaŋa jaǧdailary anyqtalǧan joq", – delıngen resmi jauapta.
Vedomstvo mälımetınşe, ekı student te bekıtılgen standartty hattama boiynşa em qabyldap jatyr, jaǧdailary qanaǧattanarlyq. Olar oqu oryndaryna barmaidy jäne ainalasyndaǧylar üşın epidemiologiialyq qauıp töndırmeidı, emdı ambulatorlyq jaǧdaida alyp jatyr.
Ministrlık ökılderı tuberkulioz karantin engızıletın auru tızımıne kırmeitının tüsındırdı. Sondyqtan joǧary oqu oryndarynda şekteu şaralary qoldanylmaidy jäne oqu prosesınıŋ formatyn özgertu qajet emes.
Aita keteiık, 2025 jyldyŋ basynan berı Qazaqstan boiynşa joǧary jäne orta oqu oryndarynyŋ 280 studentınen tuberkulioz anyqtalǧan.
