AQŞ prezidentı Donald Tramptyŋ Venesuela aumaǧynda jürgızgen operasiiasy el ışınde saiasi dauǧa ūlasty. Niu-Iork qalasynyŋ merı jäne Demokratiialyq partiia ökılderı Aq üidıŋ äreketın qataŋ synǧa alyp, ony halyqaralyq qūqyqty būzu dep baǧalady.
Niu-Iork merı Zohran Mamdani būl operasiiany «egemen memleketke qarsy bırjaqty şabuyl» dep atap, ony soǧys aktısı retınde sipattady. Onyŋ aituynşa, mūndai äreketter tek şeteldegı jaǧdaiǧa ǧana emes, tıkelei Niu-Iork tūrǧyndaryna da äser etedı. Būǧan deiın AQŞ prezidentı Donald Tramp Venesuela prezidentı Nikolas Maduronyŋ Niu-Iorkke jetkızıletının mälımdegen bolatyn.
Demokratiialyq partiiadan sailanǧan bırqatar senatorlar men kongressmender de Aq üidıŋ şeşımıne qarsy şyqty. Senator Endi Kim Memlekettık hatşy Marko Rubio men Qorǧanys ministrı Pit Hegsettıŋ būǧan deiın Venesuelada bilık auystyru jospary joq ekenın aitqanyn eske saldy. Onyŋ pıkırınşe, qazırgı jaǧdai būl mälımdemelerdıŋ şyndyqqa janaspaitynyn körsetıp otyr.
Senator Ruben Galego Aq üidıŋ äreketın «ömırımdegı ekınşı negızsız soǧys» dep atady. Ol AQŞ-tyŋ qysqa uaqyt ışınde «älemdık poliseiden älemdık būzaqyǧa» ainalǧanyn mälımdedı. Al kongressmen Djim Makgovern būl operasiia Kongrestıŋ rūqsatynsyz jäne amerikalyqtardyŋ basym bölıgı soǧysqa qarsy bolyp otyrǧan jaǧdaida jasalǧanyn aityp, ony zaŋsyz dep baǧalady.
Öz kezegınde Donald Tramp būl aiyptaulardy joqqa şyǧaryp, operasiia turaly Kongrestı aldyn ala habardar etpeuınıŋ sebebın aqparattyŋ taralyp ketu qaupımen tüsındırdı. Al Marko Rubio kongress müşelerıne operasiia bastalǧannan keiın aqparat berılgenın mälımdedı.
AQŞ-taǧy būl jaǧdai eldıŋ syrtqy saiasatyna qatysty pıkırtalastardy küşeitıp, bilık tarmaqtary arasyndaǧy kelıspeuşılıktı aiqyn körsettı.
