Jaŋaözen qalasyna jaqyn maŋdaǧy «Özen» ken orny aumaǧynda adam ölımımen aiaqtalǧan jol-kölık oqiǧasy tırkeldı, dep habarlaidy "Adyrna".
Oqiǧa 26 qaŋtar künı keşkı saǧat 19:00 şamasynda Maŋǧystau oblysy Qaraqiia audanyna qarasty öndırıstık aimaqta bolǧan. Aldyn ala mälımetke säikes, Mitsubishi L-200 markaly jol talǧamaityn kölıktıŋ jürgızuşısı kölık tızgınıne ie bola almai, qarsy baǧytta kele jatqan SHACMAN jük kölıgımen soqtyǧysqan.
Soqtyǧys saldarynan jol talǧamaityn kölıkte otyrǧan jolauşy oqiǧa ornynda jan tapsyrdy. Al türlı därejedegı dene jaraqatyn alǧan jürgızuşı şūǧyl türde medisinalyq mekemege jetkızılıp, auruhanaǧa jatqyzyldy.
Atalǧan derek boiynşa Qazaqstan Respublikasy Qylmystyq kodeksınıŋ 345-babynyŋ 3-bölıgıne säikes qylmystyq ıs qozǧaldy. Būl norma jol qozǧalysy nemese kölık qūraldaryn paidalanu qaǧidalaryn būzu saldarynan abaisyzda adam ölımıne äkep soqqan jaǧdailardy qamtidy.
Jol apatyna qatysqan kölıkter arnaiy aiyptūraqqa qoiyldy. Qazırgı uaqytta oqiǧanyŋ sebep-saldaryn jan-jaqty anyqtauǧa baǧyttalǧan tergeu amaldary jürgızılıp jatyr.
