Jaŋa Konstitusiia jobasynda sybailas jemqorlyq qylmys jasaǧany üşın sottalǧan azamattardyŋ deputattyqqa jäne özge de sailanbaly lauazymdarǧa ümıtker boluyna tyiym salatyn norma közdelgen, dep habarlaidy "Adyrna" ūlttyq portaly.
Atalǧan talap Konstitusiia jobasynyŋ «Negızgı qūqyqtar, bostandyqtar jäne mındetter» bölımınde körsetılgen. Qūjatta sottalǧandyǧy zaŋda belgılengen tärtıppen joiylmaǧan nemese alynbaǧan azamattardyŋ sailanu qūqyǧy bolmaityny naqty jazylǧan.
«Sot äreketke qabıletsız dep tanyǧan Qazaqstan Respublikasy azamattarynyŋ, sottalǧandyǧy zaŋda belgılengen tärtıppen joiylmaǧan nemese alynbaǧan Qazaqstan Respublikasy azamattarynyŋ, sondai-aq sybailas jemqorlyq qylmys nemese sybailas jemqorlyq qūqyq būzuşylyq jasauǧa qatysty kınäsın sot zaŋda belgılengen tärtıppen tanyǧan Qazaqstan Respublikasy azamattarynyŋ sailanuǧa qūqyǧy joq», – delıngen zaŋ jobasynda.
Sonymen qatar sot äreketke qabıletsız dep tanylǧan jäne sot ükımımen bas bostandyǧynan aiyru jazasyn ötep jatqan azamattardyŋ sailauǧa da, jalpyhalyqtyq referendumdarǧa da qatysa almaityny atap ötılgen.
