Túrkııada prezıdent saılaýy bastaldy. Memleket basshysy bolýǵa úsh úmitker talasýda, dep habarlaıdy “Adyrna” tilshisi.
Onyń biri - qazirgi prezıdent Rejep Taıyp Erdoǵan.
Túrkııa azamattary úsh kandıdattyń birine daýys bere alady:
- Eldiń qazirgi basshysy Rejep Taıyp Erdoǵan;
- Alty oppozıııalyq partııanyń koalıııa kandıdaty jáne Respýblıkalyq halyq partııasynyń tóraǵasy Kemal Kylychdaroǵlý;
- "Atatúrikshiler alıansynan" úmitker Sınan Ogan.
Tórtinshi úmitker Mýharrem Inje saılaýǵa úsh kún qalǵanda prezıdenttik saılaýdan shyǵyp qaldy. Ins prezıdenttik jarystan bas tartý sebebin oǵan ártúrli arandatýshylyq pen jalǵan aqparat túrindegi shamadan tys qysym dep atady.
Aıta keteıik, Rejep Taıyp Erdoǵan jeńiske jetken jaǵdaıda bul onyń úshinshi ret prezıdenttikke saılanýy bolmaq. Ol alǵash ret memleket basshysy laýazymyna 2014 jyldyń tamyzynda keldi. 2018 jyly 24 maýsymda elimizde ótken prezıdenttik saılaýda ol 52,59 paıyz daýys jınap, osy laýazymǵa qaıta saılandy.
Saılaýdyń birinshi kezeńinde jeńiske jetý úshin memleket basshysy laýazymyna úmitker 50 paıyzdan astam daýys jınaýy kerek. Áıtpese, saılaýdyń ekinshi kezeńi ótedi. Oǵan birinshisinde eń kóp qoldaý tapqan eki úmitker qatysady.
Eske salaıyq, 6 aqpanda Túrkııanyń ońtústik-shyǵysynda magnıtýdasy 7,7 bolatyn eń aýyr jer silkinisi boldy, saldarynan 40 myńnan astam adam qaza tapty.
El prezıdenti Rejep Taıyp Erdoǵannyń aıtýynsha, bul jer silkinisi Túrkııa tarıhyndaǵy eń joıqyn tabıǵı apat ekenin aıtty. 1939 jylǵy jer silkinisinen asyp tústi. Túrkııada bolǵan jer silkinisteri álemde buryn-sońdy tirkelgen eń iri jer silkinisteriniń ondyǵyna kirdi.
Zilzala tek turǵyn úılerdi ǵana emes, sonymen qatar tarıhı jáne mádenı qundylyǵy bar shirkeýlerdi, meshitterdi, ǵımarattardy qıratty.
Dúnıejúzilik banktiń baǵalaýynsha, jer silkinisinen kelgen tikeleı múliktik zalal 34,2 mıllıard dollardy quraıdy.Túrkııa Qarjy mınıstrligi zalal somasy 2 trıllıon lıra (105 mıllıard dollar) nemese 2023 jylǵy ulttyq tabystyń 9%-y dep esepteıdi.
Osynshama shyǵyndarǵa qaramastan, Túrkııa prezıdenttik jáne parlamenttik saılaý ótkizýde.
