Ülken Almaty şatqalynda paida bolǧan ılbıstı qorǧau üşın QR ǦJBM Zoologiia institutynyŋ teriolog-ǧalymdary men Ile-Alatau ūlttyq tabiǧi parkınıŋ qyzmetkerlerı bırneşe kün boiy üzdıksız jūmys jürgızdı, dep habarlaidy "Adyrna".
Mamandardyŋ aituynşa, jyrtqyşty köruge ūmtylǧan adamdardyŋ köptep jinaluy januarǧa da, adamdardyŋ özıne de qauıp töndıredı.
«Almaty tūrǧyndarynyŋ jasaǧany etikalyq ärı moraldyq şekten şyqty! Ilbıstı öz közımen körgısı keletın adamdar januarǧa qanşalyqty ziian keltırıp jatqanyn, sonymen qatar öz ömırlerın ülken qauıpke tıgıp otyrǧanyn mülde oilamaidy.
Ilbıs — ırı jyrtqyş. Ol instinktivtı türde öz oljasyn qorǧaidy jäne adamǧa şabuyl jasauy mümkın.
Būl jaǧdaida şabuyl arandatylǧan bolar edı, mūnda jyrtqyşty kınälauǧa bolmaidy — kınä adamdardyŋ özınde», - deidı QR Zoologiia institutynyŋ teriologiia zerthanasynyŋ meŋgeruşısı, sonymen qatar “Snow Leopard Foundation” qar barysyn saqtau qorynyŋ atqaruşy direktory Aleksei Aleksandrovich Grachev Zakon.kz saityna bergen sūhbatynda.
Qazaqstan Respublikasynda qabyldanǧan jabaiy januarlardy tekseru hattamalaryna säikes, Zoologiia institutynyŋ teriolog-mamandary veterinarlarmen jäne «Ile-Alatau» ūlttyq parkınıŋ qyzmetkerlerımen bırlese otyryp, ılbıstıŋ jalpy jaǧdaiyn tekserıp, qajettı taldaulardy aldy.
Sondai-aq, onyŋ qozǧalys joldaryn, mınez-qūlqyn baqylau jäne qorǧau maqsatynda sputniktık qarǧybau (oşeinik) ornatyldy.
Qazırgı uaqytta qar barysy būl aumaqtan aman-esen ketıp, basqa jerge qonys audardy. Alaida atalǧan oqiǧaǧa degen qyzyǧuşylyq älı de basylǧan joq, adamdar şatqalǧa jappai baryp jatyr.
Aita keteiık, Qazaqstanda qar barysyn qorǧau jäne monitoring jürgızu boiynşa atqarylǧan jüielı jūmystardyŋ nätijesınde soŋǧy 30 jylda būl jyrtqyştyŋ sany artqan. Qazırgı taŋda elımızde şamamen 190 ılbıs mekendeidı.
Mamandar taular tek demalys orny ǧana emes, Qyzyl kıtapqa engen sirek januarlardyŋ tabiǧi mekenı ekenın eske salyp, tūrǧyndardy jabaiy aŋdarǧa jaqyndamauǧa, şulamauǧa, qorektendırmeuge jäne tabiǧatty lastamauǧa şaqyrady.
Ilbıs – Almatynyŋ simvoly. Onyŋ bolaşaǧy ärbır azamattyŋ jauapkerşılıgıne bailanysty.
