Qazaqstanda avtomobilge arnalǧan erekşe memlekettık nömırlerge sūranys ösıp keledı, dep habarlaidy "Adyrna" ūlttyq portaly kolesa-ǧa sıltep.
Būl qyzmet 2026 jyldyŋ qaŋtarynda jaŋa Salyq kodeksı küşıne engennen keiın ıske qosylǧan. Alǧaşqy künderden bastap jürgızuşıler arnaiy HQKO-larǧa jappai ötınım bere bastaǧan.
QR IIM «Aqparattyq-öndırıstık ortalyǧynyŋ» mälımetınşe, 20 qaŋtarǧa deiın erekşe nömırlerge 66 339 ötınım tüsken. Onyŋ ışınde 62 852 nömır daiyndalǧan, al 3 487 ötınım kerı qaitarylǧan. Ötınımderdıŋ qaitaryluyna ötınış beruşınıŋ özı bas tartuy nemese baj salyǧynyŋ tölenbeuı sebep bolǧan.
Ötınım sany boiynşa köşbasşy öŋır — Almaty qalasy. Mūnda 15 265 ötınım tırkelgen. Odan keiın Şymkent (7555), Astana (7162), Maŋǧystau oblysy (4777) jäne Jambyl oblysy (4083) ornalasqan. Al eŋ tömen körsetkış Ūlytau oblysynda tırkelgen — 553 ötınım.
Sarapşylar öŋırlerdıŋ qyzyǧuşylyǧyn kölık sanyna şaqqandaǧy ülespen baǧalady. Būl körsetkış boiynşa Maŋǧystau oblysy alǧa şyqty. Būl öŋırdegı 153 627 kölıktıŋ 4777-sıne erekşe nömırge ötınım berılgen, būl şamamen 3,11 paiyzdy qūraidy. Odan keiın Şymkent (2,67%) jäne Almaty qalasy (2,46%) tūr. Al Astanada būl körsetkış 1,8 paiyzdy, Jambyl oblysynda 1,53 paiyzdy qūrady.
Osylaişa, erekşe memlekettık nömırge qyzyǧuşylyq eŋ joǧary öŋır retınde Maŋǧystau oblysy anyqtaldy. Al elorda tūrǧyndary salystyrmaly türde mūndai nömırlerge sirek tapsyrys beretını baiqaldy.
