Qazaqstannyŋ eŋbek sıŋırgen qairatkerı, «Qūrmet» ordenınıŋ iegerı, belgılı akter jäne rejisser Baltabai Seiıtmamytūly dünieden öttı, dep habarlaidy "Adyrna" ūlttyq portaly.
Būl turaly QR Mädeniet jäne aqparat ministrlıgı habarlap, marqūmnyŋ otbasy men jaqyndaryna, tuǧan halqyna köŋıl aitty.
Baltabai Seiıtmamytūly sanaly ǧūmyryn qazaq sahna önerıne arnaǧan körnektı tūlǧalardyŋ bırı boldy. Ol Ǧabit Müsırepov atyndaǧy Qazaq memlekettık balalar men jasöspırımder akademiialyq teatry men Mūhtar Äuezov atyndaǧy Qazaq ūlttyq drama teatry sahnasynda köptegen jarqyn obrazdardy somdap, ūlttyq teatr önerınıŋ damuyna zor üles qosty.
Öner iesı klassikalyq jäne zamanaui dramaturgiia tuyndylaryn tereŋ filosofiialyq mazmūnmen, joǧary akterlık şeberlıkpen sahnada beinelei bıldı. Onyŋ şyǧarmaşylyq mūrasy men sahnadaǧy beinelerı qazaq mädenietınıŋ altyn qorynda saqtalady.
