Qyrǧyzstanda Qamşybek Täşiev Ūlttyq qauıpsızdık memlekettık komitetınıŋ töraǧasy, premer-ministrdıŋ orynbasary qyzmetınen bosatyldy, dep habarlaidy "Adyrna" ūlttyq portaly.
Qyrǧyzstan prezidentı Sadyr Japarov säikes jarlyqqa qol qoidy. Qamşybek Täşiev ŪQMK basşysy retınde 16 qazan 2020 jyldan berı qyzmet atqarǧan. Ol 5–6 qazan 2020 jylǧy oqiǧalardan keiın Sadyr Japarovtyŋ qoldauymen taǧaiyndalǧan edı.
Qyrǧyz BAQ-tarynyŋ jazuynşa, Täşiev pen Japarov arasyndaǧy saiasi odaq ūzaq uaqytqa sozylǧan jäne Qyrǧyzstandaǧy eŋ senımdı saiasi tandemderdıŋ bırı bolyp eseptelgen. Täşiev küş qūrylymdaryn baqylap, rezonansty ıs-şaralardy basqarǧan, sonymen qatar prezidenttıŋ eŋ senımdı ökılı sanalǧan.
ŪQMK uaqytşa töraǧasy qyzmetıne Jūmǧalbek Şabdanbekov taǧaiyndaldy. Ol 2020 jyldan berı komitettegı 9-qyzmettıŋ bastyǧy jäne orynbasary bolyp qyzmet atqarǧan.
