Ukrainanyŋ Qazaqstandaǧy elşısı Viktor Maiko geosaiasat pen Qazaqstan-Ukraina arasyndaǧy ekıjaqty qatynastarǧa qatysty bırqatar maŋyzdy mälımdeme jasady, dep habarlaidy «Adyrna» tılşısı.
Ol The Times of Central Asia basylymyna bergen sūhbatynda 2026 jyldyŋ şeşuşı kezeŋge ainalatynyna senım bıldırdı.
«Soǧys biyl aiaqtalady dep oilaimyn. Men būǧan şyn jürekten senemın», – dedı Maiko.
Aituynşa, Kremldıŋ resurstary men ışkı mümkındıkterı tausylyp keledı, al Batys Ukrainaǧa tūraqty türde qoldau körsetude. Sonymen qatar ol Ukraina öz aumaqtarynan öz erkımen bas tartpaitynyn atap öttı, öitkenı ol jerlerde ukrain azamattary men maŋyzdy öndırıstık nysandar ornalasqan.
Maiko qazaqstandyq jük tasymalynyŋ qauıpsızdıgıne de erekşe toqtaldy. Novorossiisk maŋyndaǧy tankerlermen bolǧan soŋǧy oqiǧalarǧa bailanysty elşı Qazaqstan ukrain küşterınıŋ nysanasy emes ekenın jäne eşqaşan bolmaitynyn aitty.
«Ukraina eşqaşan Qazaqstan ekonomikasyna nemese infraqūrylymyna şabuyl jasaǧan joq. Bızdıŋ soqqylarymyz tek Reseidıŋ äskeri obektılerıne baǧyttalǧan. Qazaqstan – maŋyzdy serıktesımız»,– dedı diplomat.
Ol sondai-aq qazaqstandyq mūnai tasymaldaǧan tankerlerge qatysty oqiǧalar arandatuşylyq nemese jaqyn qaşyqtyqtan jasalǧan şabuyl boluy mümkın ekenın, onyŋ Ukraina tarapynan jasalmaǧanyn aitty.
Odan bölek, Viktor Maiko bügıngı taŋda Qazaqstan aimaqtaǧy basty köşbasşylardyŋ bırıne ainalyp otyrǧanyn, al IT, auyl şaruaşylyǧy jäne maşina jasau salalaryndaǧy yntymaqtastyq ekı el ekonomikasyna jaŋa jahandyq jaǧdailarǧa beiımdeluge kömektesetının aitty.
