Qazaqstandaǧy Burger King meiramhanalar jelısı ekı şeteldık basşyny jūmystan bosatu turaly şeşım qabyldady, dep habarlaidy "Adyrna" ūlttyq portaly.
Kompaniia äleumettık jelılerde resmi mälımdeme jariialap, ışkı tekserıs nätijesınde aumaqtyq menedjerler Sergei men Anastasiianyŋ qyzmetten bosatylǧanyn mälımdedı. Kompaniia ökılderınıŋ aituynşa, būl şeşım qyzmetkerlerdıŋ ar-namysy men qadır-qasietıne nūqsan keltıretın kez kelgen äreketke jol bermeu qaǧidatyna negızdelgen.
Burger King jelısınıŋ qazaqstandyq bölımşesı kemsıtu, qūrmettemeu nemese azamattardyŋ abyroiyna tietın sözderge qarsy ekenın atap öttı. Sonymen qatar ışkı tergeu jūmystary älı jalǧasyp jatqany habarlandy.
Kompaniia mälımetınşe, qazırgı uaqytta barlyq derek jan-jaqty tekserılıp, komanda ışındegı jūmys prosesı men özara qarym-qatynas qosymşa taldanuda. Kompaniia qyzmetkerlerdı jūmysqa qabyldau men kadr saiasaty kezınde teŋ mümkındık pen inkliuzivtılık qaǧidalaryn ūstanatynyn mälımdedı.
Aita keteiık, äleumettık jelılerde atalǧan jaǧdaiǧa bailanysty qyzu pıkırtalas jürıp jatyr. Qoldanuşylardyŋ bır bölıgı basşylyq qūramda jergılıktı mamandardyŋ ülesın arttyru qajet ekenın aitsa, endı bırı qyzmetkerler arasynda tūraqty anonimdı saualnama jürgızudı ūsyndy.
Daudyŋ tuyndauyna äleumettık jelıdegı jazba sebep bolǧan. Onda äiel adam Burger King meiramhanalarynyŋ bırınde jūmys ıstegen ūlynyŋ jaǧdaiy turaly jazǧan. Onyŋ aituynşa, jaŋa basşylyq kelgennen keiın qyzmetkerdıŋ psihologiialyq jaǧdaiy özgergen.
Kompaniia resmi ūstanymynda qyzmetker jūmystan şyǧarylmaǧanyn jäne älı de jūmys ornynda tırkelgenın mälımdedı. Sonymen qatar eŋbek qatynasyn toqtatu turaly ötınıştı qyzmetkerdıŋ özı jazuy tiıs ekenı tüsındırıldı.
Qazaqstan zaŋnamasyna säikes, eŋbek şartyn toqtatu turaly ötınıştı üşınşı tūlǧa räsımdei almaidy. Kompaniia qyzmetkerge basqa filialǧa auysu siiaqty balama nūsqalar ūsynylǧanyn da atap öttı.
