İzraildıŋ Gaza sektoryndaǧy äskeri nauqany kezınde myŋdaǧan şetel azamaty soǧys qimyldaryna qatysqan. Būl turaly Al Jazeera basylymynyŋ analitikalyq materialynda aitylady, dep habarlaidy «Adyrna» tılşısı.
Basylym deregınşe, İzrail jaǧynda 189 Qazaqstan azamaty soǧysqan. Odan bölek, 264 özbekstandyq, 52 qyrǧyzstandyq, 31 türkımenstandyq pen 8 Täjıkstan azamaty atalǧan.
Jariialanymda İzrail qorǧanys armiiasyndaǧy äskeri qyzmetkerlerdıŋ edäuır bölıgınıŋ qos azamattyǧy bar ekenı atap ötılgen.
Kemınde 12-13 myŋ äskeri qyzmetkerde AQŞ azamattyǧy bar ekenı körsetılgen jäne būl eŋ ırı top sanalady. Sondai-aq Fransiia men Resei azamattarynyŋ sany da aitarlyqtai köp. Ol şamamen 5–6 myŋ adamdy qūraidy. Ūlybritaniia, Germaniia jäne Ukraina azamattary 1000-nan asady.
Avtorlar keibır şeteldık İzrail armiiasynda tūraqty negızde qyzmet etse, endı bır bölıgı qaqtyǧys uşyǧyp ketkennen keiın elge kelgenın atap ötedı.
Materialda halyqaralyq gumanitarlyq qūqyq normalary būzylǧan dep tanylǧan jaǧdaida şetel azamattarynyŋ yqtimal zaŋdyq jauapkerşılıgı turaly mäsele köterıledı.
Qūqyq qorǧau ūiymdary äskeri qyzmetkerler şyqqan elderde tergeu jürgızıp, jauapkerşılıkke tartu qajettıgın atap ötedı. Alaida bırqatar memlekettıŋ resmi organdary mūndai şaralardyŋ bastalǧany jönınde aşyq mälımdeme jasaǧan joq.
Gaza qaqtyǧysy halyqaralyq deŋgeide ötkır talqylanyp otyr, al şetel azamattarynyŋ soǧysqa qatysuy diplomatiialyq ärı qūqyqtyq daular tuǧyzuda.
